Populära bibelverser från Mark 13

Dela

Pe alkie kanaway klaxta mesatchie tumtum kopa mesika, kewa mesika tikke nika; pe klaxta halo kilapie tumtum alkie yaka saved.

Newha, kloosh nanitch pe pray; kewa mesika halo kumtux kahta laylie.

Pe spose klaska lolo mesika, mash mesika kah, kloosh wake mesika mamook tumtum ikta alkie mesika wawa; alkie okoak Holy Spirit mamook kumtux mesika ikta alkie mesika wawa.

Okoak saghalie, pe okoak illahe alki memaloose, pe nike wawa wake kahta memaloose.

Pe kopa kahta sun, pe kahta tin‐tin halo klaxta kumtux, pe waght okoak angels, pe waght okoak Tenas, kopet okoak Papa.

Pe alkie mesika kumtux hiyu fight kanaway kah, kloosh halo mesika sick tumtum; wake kahta spose halo okoak kanaway ikta mamook, pe okoak kyimta halo hyak chako.

Waght nika wawa mesika, kloosh nanitch, kewa wake mesika kumtux kahta laylie pe chako kilapie okoak Tyee; klonas tenas polakalie, klonas sitkum polakalie, klonas kopa wawa okoak chickens, klonas kopa tenas sun. Pe hyas kul spose yaka hyak chako pe mesika moosum. Pe ikta nika wawa kopa mesika nika wawa kopa kanaway, kloosh nanitch.”

Alkie ikt illahe solex kopa ikt illahe, pe ikt king solex kopa ikt king, pe alkie okoak illahe toto, pe alki ikt‐ikt illahe halo mukamuk, yawa alkie chako sick tumtum.

Pe okoak kloosh yiem alkie elip klap kopa kanaway kah illahe.

Kewa alkie hiyu klaxta chako kopa nika name, pe wawa, Nawitka nika Christ, pe mamook tseepie hiyu tillicum.

Pe kloosh nanitch kopa mesika; kewa alkie klaska mash mesika kopa council; pe alkie klaska kokshut mesika kopa Sunday house; pe alkie klaska lolo mesika kopa Tyee pe kopa Kings, kewa mesika tikke nika; pe alkie mesika witness kopa klaska.

Kewa tleminawhit Christs, pe tlminawhit prophets alkie midlite pe mamook hyas kul mamook, spose mamook tseepie okoak kloosh tillicum.

Pe spose kopit okoak hyas kul mamook, alkie okoak sun memaloose, pe okoak moon chako polakalie. Pe okoak tsil‐tsil alkie chako keekwillie, pe okoak skookum midlite kopa saghalie alkie hullel.