Populära bibelverser från Maleko 13

Dela

Pea e fehia anai kia koutou e te hahai fuli, koteuhi ko toku higoa, kae ko ae e tuu malohi o au ki te gataaga, koiape e hao anai.

“Pei koutou tokaga, alaala, koteuhi e mole koutou iloi te temi e hoko ai te u mea aia.

“Pea ka e taki anai koutou koteuhipe ke natou tuku koutou ki te u fili, aua naa koutou hohaa pe kotea he lea ka koutou fai anai, kae ke koutou faipe te lea e foaki‐atu i te lakaga aia: he, e mole ko koutou ka lea anai, kae ko te Laumalie Maonioni.

E mole te lagi mo te kelekele, kae e molemo mole aku lea.

“Kae, ko te temi e hoko ai te mea nei, pea mo te hola, e molemo iloi ia e he tokotahi, mo te u aselo i selo, pea mo te Alo, e gatape i te Tamai.

Ka e koutou logo ki te tau pea mo te talanoa o uhiga mo te tau, aua naa koutou hohaa pea mo matataku: e tonu ke hoko ia mea aia, kae heekipe hoko te gataaga.

Pei koutou alaala, koteuhi e mole koutou iloi he temi e liliu ai te matua o te api, pe ko te afiafi, te maupo, i te lakaga e uua ai te moa, pe ko te pogipogi uhu, naa hau fakafokifa ia, o ina mau koutou kua koutou lolotoga moepe. Pea ko te mea e au tala‐atu kia koutou, e au tala foki ki te hahai fulipe: Ke koutou alaala.”

E tuu fehagai foki he fenua mo he tahi fenua, pea mo he puleaga mo te tahi puleaga. E hoko anai, i he mo he, ihi mafuike pea mo te u hoge. Ko te kamataaga anai aia o te u mamahi lalahi fakamataku.

He e aoga ke fakaha mua te Logo Lelei ki te u fenua katoape.

E tokolahi ia natou e omai i toku higoa, pea e natou lau: Ko aupe, pea e natou kakai te tokolahi.

“Pei koutou tokoga kia koutou. E tuku anai koutou ki te u fono, e haha anai koutou i te u sinakoka, pea e taki‐mai anai koutou i mua o te u kovana pea mo te u hau, koteuhi ko au, ke koutou fakamooni‐mai i onatou mua.

E tuu foki ihi Kilisito lohi pea mo te polofeta lohi, e natou fai anai ni fakailoga pea mo ni mea fakapunamauli, moo kakaipe lava, mo kanapau e feala, te kau filifiliia.

“Kae, ia aho aia, i te hili o te mamahiaga aia, e fakapouli te laa, e puli ai te huhulu o te mahina, e to te u fetuu mai te lagi, pea e galulu ai te u malohi o te lagi.