Mistari Maarufu ya Biblia kutoka San Mateo 19

Shirikisha

Pari magbaa ich Jesuu marag oonaa, —Õragan chadcha phithurgma mag ũurwai. Mamʉ Ẽwandamag chan bʉ̃ʉrjã phithurg chukhu simgui ajim.

Mag nʉisim chan ya tag amach ãhãbdo nʉrrjee aba, õor ãbpaimjo nʉisijugui ajim. Mag warrgarwejã ich Ẽwandamauta mag papitarr aawai pod iwiir ãbmuajã i ichaaur awi dich õor pʉaju khaba nʉmgui ajim amag.

Magbaawai Jesuu amag magjim: —Ẽwandam iek phã sim gaai thʉ̃ʉrwai, ¿pãrau ooba aajẽ, warrcha chi ompaatarr Jooiraujã emkhooi ʉʉi dʉita ompaajim a sim? Magtarr aawaita emkhooi ich ʉʉi dʉi pabaademʉn ich dennaan kha ogdʉajem, ya ich ʉʉi dʉita ãba nʉrraag. Ya magbarm aigmua warran agdaujo amach appai naajerrta, õor ãbpaimjo ich mag nʉisiejemgui ajim.

Mamʉ mag marau iekha nʉm ũrbaawai Jesuu jũrr maachigta, —Ideu mʉ aig chaain aibeepibat. ¿Khanthee pãrau am beepimapha nʉ? ajim. Chi jooin awiajã, chamʉ khʉʉn chaainjo mʉ iek ʉkhakharrso ʉkha nʉm khʉʉnta mʉg jẽb gaaijã ʉu wenʉrrawi ʉ̃gtharjã onee wenʉrrabajup ajim.

Pari mag ed ãaur khʉʉn ar mʉig eegar aawai amachta chikham khãaijã ʉ̃rʉʉcha nʉm aajerr khʉʉnta ʉ̃gthar Ẽwandam aar paaukhaimaawaijã jũrr serbiibacha aajerrjoo nʉisijugui ajim. Maimua jũrr ar mʉ gaaimua chikhamnau serbiibag pheejerr khʉʉnta jũrr warm khʉʉn khãaijã ʉ̃rcha nʉisijugui a iekhamajim ich Jesuu, marag ũrmkhĩir.

Maimua ar thum chi mʉ gaaimua wa mʉ iek jaaum khõchgau khãijã amach di, amach naamkhʉʉn, amach eeugpeen, amach aai, amach ãd, amach chaain wa sĩi amach jẽb khãijã khaugba pʉa nʉm khʉʉnagjã amach nem okhootarr khãyaujã ʉ̃r ag atcha deewi mʉch dʉita ich mag wenʉrramkhĩir mʉch aarcha phe aujugui ajim.

Magbaawai deeu ich Jesuupai irig, —Pʉ chadchata wajapcha am khõsi chirʉm khai, pʉch nem perkhʉʉipʉinaa chi phatkhon aphʉʉm khʉʉndamag jigbapʉi ajim. Mag khaita ʉ̃gthar pawiajã pʉ ich mag nem wajapham paraa chitaju. Mag perkhʉʉipʉinaa jigpʉiwi, mʉ dʉi marrau ajim.

Magbaawai Jesuu irig, —¿Khanthee mag nem wajaphamta wawaag pua mʉrʉg jeeu chirʉ́? Nem wajaphamʉn ãba ãbpaita sim; ma Ẽwandamau. Mamʉ pʉ chadcha ʉ̃gthar oberm khõs chirʉm khai, Ẽwandamau ich iek phãnaa Moiseeg deetarr gaai jaau sim ipierraa abá ajim irig.

Phatkhonpanta ʉ̃gthar Ẽwandam chi Porkha sim aar oberju khãyau, camello pom jãg maach wounaan khãaijã ʉ̃rpai sĩerrʉmta phithurg chukhu nobeeu kach ee thoogar ober dichjugui ajim.

Pãade mʉ iek ũrbat: Ʉʉi bʉ̃ʉrjã deeum dʉi pʉrpʉr khaba simta sĩi pʉam khõchgaupai pʉawia deeum ʉʉi au simʉn maan pekauta wau simgui ajim. [Mag ich ap sim awi chikhamnau pʉatarr ʉʉita au sim wounjã pekauta wau sim, agtha chikham ʉʉikha simta au sĩewai ajim jũrr amag.]

Mag woundam okhĩirjuu petam oobaawai jũrr maragta ich Jesuu, —Phatkhon paraam khʉʉnta Ẽwandam chi Porkha sim aar oberaagan chadchata thethe simgui ajim.