Mistari Maarufu ya Biblia kutoka Mateo 5

Shirikisha

Jäts kä' pën jëën tyëktoypyeky nits tnijüpy kajuun pa'tke'py oo'ktëy jä' këjx'am tkexy jäts nitukkë'yë yëknijajjy yëknitee'kxy nii'xyë'n jaa'y tu'kjëën tu'ktëjjk. Najjts miitstë, jajjtë tëë'kxtë jaa'y akujjky, jäts ku t'ijxtë't ntsoj miits y'owyë xtuntë nits jä' t'ijxkaptë't ttaxonta'aktë't Yës Teety mati' jäm tsajpjotm

»Miits yaj it naxwiiny mjajjtë'p mtëë'kxtë'p, naa'xkë'n tu'uk kajjp mati' kojpk këjxm nijunë kya'ayu'utsy kyatakkoy.

»Mëjjxontaajk pyaat'të'p pënjäty wa'ats y'aaw jyoojt, jä'ku jä' Yës Teety t'ijxtë'p tpaat'të'p.

»Mëjjxontaajk pyaat'të'p pënjäty y'oy'ajjtpë tyuuj'eetyë'p ttëëjts'eetyë'p, jä'ku pyaat'të'p jä' mati' tsyojktë'p y'ijxtäätyë'p.

Ixyamts ëjts nwa'any: Tsoktë jä' pën mmutsip'ajjtëtë'p, kunuu'kxta'aktë pën ntsokattunk mtuujnëtë'p

«Mëjjxontaajk pyaat'të'p pënjäty ixyam tu'ukyë Yës Teety t'ajoot'eetyë'p, jä'ku jä' tjä'jëtë'p Yës Teety kyuttujktaajk jäm tsajpjotm.

»Mëjjxontaajk pyaat'të'p pënjäty ttajottakkoytyë'p jäts jyää'jë't jotkujjk'ajjt yaj it naxwiiny jä'ku jä' Yës Teety y'uu'nkjawë'p.

»Mëjjxontaajk pyaat'të'p pënjäty ixyam ayootë'p tsätsypyat'të'p, pyaat'të'p jä' pa'ayoo'n

»Mëjjxontaajk pyaat'të'p pënjäty yyëkpanajxtë'p yyëkpattëjjk'eetyë'p yyëkwijtstë'p yyëktsumtë'p jakëjx ku tëy wa'ats jyaa'yëtë jyükyëtë, jä'ku jä' tjä'jëtë'p Yës Teety kyuttujktaajk.

»Mëjjxontaajk pyaat'të'p pënjäty myuku'uk tpa'ayootë'p, jä'ku pa'ayopëtë'p jä' Yës Teety.

»Mëjjxontaajk miits mpaat'të'p ku ëjts këjxm ntsokkanëëjmjääky, ntsokattunk myëk'ijxtë't myëktu'ntë't, jäts nikoj kyoojyë myëkniwampät'të't. Jotkujjkta'aktë, xonta'aktë miits, jä'ku myëkmo'otë'p miits mjuu'ny jäm tsajpjotm; najj jä' mëët ntsokattunk ttuntë yëk'ayuujknajxpëttëjjk mati' jawyiin jüky'eetyë.

»Mëjjxontaajk pyaat'të'p pënjäty tuta'aky jaa'y'eetyë'p jüky'eetyë'p, jä'ku jä' yëkmo'otë'p naajx kam mati' Yës Teety y'awaa'n'eepy.

»Miits kaan mtuntë'p yaj it naxwiiny. Kuts kaan tsyäkt ¿ntsots y'ijxë jatu'kyaajjë tya'mtsë't? Kä' jä' y'oktunë't, najjyë jä' yëk'ijxko'onë tëjkwimpy jäjpts naxteeny nyaxt kyutakko'yty

Jükyëtë miits tëy wa'ats, najj naa'xkë'n mTeety'ajjt tsajpjotmë't.

Jä'yë miits xni'atsowëtë't ok xkani'atsowëtë't, jä'ku ka'oy yë' ku mkajpxmi'ntë't mkajpxëptë't.

»Tëj miits xmatowtë wya'antë: “Pëntëj tu'uk jaa'y myuku'uk wyiin tjuu'jtë ninyajjts jä' wyiin yyëkjuu'jtë't ok pëntëj tu'uk jaa'y myuku'uk tyëëjts tkojxpitsëëjmë ninyajjts jä' tyëëjts yyëkjuu'jtë't.” Ixyamts ëjts nwa'any: Katij xmuwimpity pën ntsokattunk mtuujnë'p, ku pën m'akkojjxjë'ëkë't tum'aajny oo'ktëy jä' xnëëjmë't nits oy jatum'aajny mkoxë't.

»Ixyamts ëjts nwa'any, pën myëkpöky tyuujnë'p m'akaa'nywyiin, juut jäts ijxyuup jakkäm, oy mta'nt wintu'uk kä'äts mnëjkxt ayootaajkjötypy. Pën myëkpöky tyuujnë'p m'akaa'nykyë', wippoot jäts ijxyuup jakkäm, oy mta'nt kë'tuk kä'äts mnëjkxt ayootaajkjötypy