Mistari Maarufu ya Biblia kutoka Mateo 6

Shirikisha

Tajottakkoytyë jäts Yës Teety kyuttujjkë'n xkuytyuujnëtë't, jükyëtë tëy wa'ats nits jä' myëkmo'otë't pëntijjäty mka'ijjtxëtë'p.

Katij miits xniwinmayë'të pëntij jawom itp ka'itp. Jä'ku tu'kxëëw jatu'kxëëw yë' y'atsijjpë'n y'atsuujxë'n tmuminy.

»Jakëjxts ëjts miits nnëëjmëtë: Katij kyoojyë xwinmaytyë tij mka'ytyë'p m'uuktë'p jäts xtajükyë'të't, ok wit tij mnatyaxoxëtë'p, jä'ku këjx'am tsyowpaaty jüky'ajjt kä' nyë'në kääky tojkx ninyaj këjx'am tsyowpaaty nikkëjjx kä' nyë'në wit.

Kuts mijts mnuu'kxta'akwa'any, tëkkë mtijkypy yëk'attuk mtëjjk jäts mmunuu'kxta'ak mTeety'ajjt amää'tsk, jä' t'ijxp tmatoop tij mijts mtümpy amää'tsk, jä'äts tyëknikkä'äjxjë'ëkp jaa'y akujjky tij tëj x'amatoy ayu'utsy amää'tsk.

Najj miits mnuu'kxta'aktë't: »Nteety'ajjt tsajpjotmë't, mijts mtsënääpy mjüky'eepy tsajpjotm wä'n mxëëw tyëkmëjj'ijxy tyëkmëjjkexy. Wä'n tminy tja'aty mpawaa'n mkuttujjkë'n jäts nyaxt tyunë't yaj it naxwiiny mati' tuujnë'p jäm tsajpjotm.

Moyky ëëts nkääky ntojkx mati' ëëts jawom jawom xka'ijjtjääpy.

Mää'kxtujjkjääky ëëts ntakkoo'ny naa'xkë'n ëëts nmää'kxtüky pënpën ëëts xmuttunttakkoypy.

Katij xnitüky xyëkjäty jäts ëëts takkoo'nyjötypy nku'ijxë't nkuwa'akkë't jäts yëkjë'wa'ak tukkë'yë kya'oywyë.

»Pën mmää'kxtüjkypy miits mmuku'uktëjjk pën mmuttuntakkoojyë'p, ninyajjts mTeety'ajjt mmää'kxtukkëtë't

Ijxtë aa'xtuktë joon mati' käkyo'ytyë'p kä' nyi'iptë yu'utë jäts kä' maj tkoojnjë'ëktë jyee'kxy; mTeety'ajjt tsajpjotmë't jä' tyëkjëë'kxp. ¡Ntsots miits xtijy y'ijxë mkajee'kxypyaat'të't, mëjj'ijxy mëjjkexy miits m'ity kä' nyë'në joon!

»Katij xyëknippät'të maay pëjkta'aky yaj it naxwiiny, jä'ku wojjkë'p pu'tp yaj tukkë'yë jäts jäj mää'tspë nyaxtë tyëkkëtë. Yëkmayëtë maay pëjkta'aky tsajpjotm, kä' jäm tij pyu'uty wyökyë jäts kä' jäm mää'tspë jya'at'të. Jä'ku maj mijts mmaay mpëjkta'aky jämts mijts m'aaw mjoojt xkäxtë.

»Nippën kya'oy'ajjtxë't nimäjtsk wintsën tmuttu'nt, tsyokp jä' tu'uk kya'oy'ijxp jä' jatu'uk ok myu'oyë'p jä' tu'uk myu'ampëkp jä' jatu'uk. Kä' y'oyë't Yës Teety yëkmuttu'nt jäts mëët meeny yëktajottakko'yty.

Najj Yës Teety aay ujjts tyëk'oykye'exy mati' ixyam jä'yë oy tsuj kä'xp kamjötypy jäts jawom wixtëjkm yëkjënkonpäjtnë't, ¡ntsots xtijy y'ijxë mkayëkxoxtë't, miits kattëyjyaa'w'eepyë jaa'y!

Ku ayoopëttëjjk xputtëkkë't nippën xkattoknijawë't, oyë'm pën yëkxon xjamëëtnamyayë kä' jä' xwaajnë't; amää'tsk jä' xtu'nt, nits ku mTeety'ajjt tsajpjotmë't t'ijxt tukkë'yë tij mtümpy amää'tsk, jä'äts mmo'jë'p mjuu'ny.

»Katij m'oyjaa'y'ajjt nityijyë xyëknikkä'äjxjë'ëktë jaa'y akujjky nits jä'yë xtsoktë jaa'y m'ijxëtë't mnijaw'attëtë't. Ku najj m'atë'ëtstë, nittij juu'ny mTeety'ajjt tsajpjotmë't mkamo'jëtë't.

»Ku miits m'ayuujjëtë't katij amaay mwiin m'aaw xtuntë naa'xkë'n win'ëë'mptëjjk y'atë'ëtstë, yëk'ayoopë nityijyë wyin'ixtë nits jaa'y ttoknijawëtë jäts ayuuj'eetyë'p. Ixyam ëjts nnikkäjpxy jäts tëj jä' najj tpaat'të jyuu'ny. Ku m'ayuujjëtë't tsi'itë kuppatstë, jäts nawyookëtë miits oy tsuj, nits katij jaa'y tkumaytyë jäts m'ayuuj'eetyë'p miits. Tu'ukë'm mTeety'ajjt tsajpjotmë't t'ijxy tnijawë mati' amää'tsk ayu'utsy mtuntë'p, jä'äts mmo'jëtë'p mjuu'ny