Unayo Maombi!Mfano

“Mungu   Anataka Kusikia kutoka Kwako”

Moja ya   sababu ya maombi kuonekana kama jambo la mwisho pindi tunapokabiliwa na   changamoto ni kwamba tunamwelewa Mungu visivyo. Wakati mwingine kwa makosa   tunafikiria kwamba Mungu yuko mbali, akihusika na maisha yetu kwa umbali huo.   Lakini ukweli ni kwamba, Mungu anahusika kwa karibu sana na maisha yako. Amekuumba   wewe kwa furaha yake, na anataka kufanya kwa kupitia wewe na ndani yako! 

Maombi   yanaelezewa kwa urahisi kuwa ni mawasiliano na Mungu. Fikiria juu ya urafiki   wa karibu ulionao. Hakika, mtu huyo rafiki atakuja kwako pindi unapomhitaji,   tena huongea naye kila wakati, si ndivyo ilivyo? Unamshirikisha mambo yako,   Naam, Mungu anataka uwe rafiki yake wa karibu. Uweze kumwambia kila kitu na   cho chote, unaweza kucheka naye, unaweza kumwambia juu ya siku yako na Yeye,   unaweza kuwa mkweli Kwake, unaweza kumshirikisha hamu za moyo wako. Jambo la   msingi ni kwamba anataka kusikia kila kitu toka kwako! Mungu anataka sana   muwe na mahusiano ya karibu nae,   mawasiliano na Yeye. 

“Tazama   nasimama mlangoni, nabisha; mtu akiisikia sauti yangu, na kuufungua mlango,   nitaingia kwake, nami nitakula pamoja naye,na yeye pamoja nami.” Ufunuo 3:20

Yesu   anagonga katika mlango wa mioyo yetu, akitamani muda wa maana pamoja nasi wa   ibada kwa mtu binafsi. Kufungua kwa urahisi huo mlango kwake Yesu agongaye   kwa upole kwa ajili ya ibada ni mwanzo wa maisha ya maombi yenye mafanikio,   ufanisi na matokeo na kujaa baraka za Mungu.

Mungu   ndiye kimbilio la kweli katika maisha, na anataka kutuonyesha uaminifu na   upendo - hakuna changamoto iliyo kubwa   Kwake – Anataka tu kusikia kutoka kwako.

“Enyi   watu, mtumainini siku zote, Ifunueni mioyo yenu mbele zake; Mungu ndiye   kimbilio letu.” Zaburi 62:8