Unayo Maombi!Mfano

“Funguo   Sita za Maombi Yenye Afya na Yaliyo Sawa – Sehemu ya Kwanza”

1. Tambua   unawasiliana na nani?  “Baba Uliye   mbinguni…”

Yesu   alipowaagiza wanafunzi wake kumuomba Baba moja kwa moja, wazo hilo lilikuwa   na uwezekano wa kukutana na maswali. Ukiangalia Agano la Kale lote, njia   pekee kwa mtu wa kawaida ya kupeleka maombi yake kwa Mungu ilikuwa ni kupitia   kwa kuhani. Ashukuriwe Mungu, Yesu alikuja kubadilisha hayo yote.

Kutokana   na dhabihu iliyo kamili ya Yesu juu ya msalaba kubeba dhambi zetu, waamini   sasa wana mawasiliano ya moja kwa moja na Baba. Ndio maana tunaomba kwa Baba   wa Mbinguni “katika jina la Yesu.” Hata hivyo, hakuna kanuni katika   kuomba, na kuomba maombi katika jina   la Yesu ni sawa na kuomba moja kwa moja kwa Baba. Sehemu ya muhimu ya   kukumbuka ni kwamba hakuna tena kizuizi cha mawasiliano kati yako na Mungu. 

2. Tambua   na kupeleka heshima na shukurani zako kwake kwa yote Aliyofanya kwa ajili   yako. “…jina lako litukuzwe…”

Kwa   kutenga sehemu ya maombi yako kulenga maalum katika kusifu na kumtukuza   Mungu, unaondoa ile hali ya kujiangalia binafsi. Wakati Mungu anahitaji   kusikia mahitaji na matakwa yetu, Anataka pia sisi kuonyesha shukurani kwa   yote Aliyofanya na kutambua si “kuhusu sisi”. Ukweli ni kwamba, inahusu Yeye   mwenyewe. Yeye ni Mungu wa upendo na utoshelevu, Mwenye kustahili sifa na   utukufu. Unapoangalia juu ya Baraka ambazo Mungu amekupa wewe na neema ya   ajabu ya kuwa na uhusiano Naye, utaona ni rahisi kumshukuru na kumtukuza. Pia   utaona ni vigumu kuwa mbinafsi wa kujiangalia wewe mwenyewe tu. 

3. Omba   kwamba makusudi ya Mungu kwa Kanisa Lake na kwa maisha yako yatimizwe katika   ukamilifu. “…ufalme wako uje, mapenzi yako yatimizwe, hapa duniani kama huko   minguni.”

Maombi   yenye uhai na ufanisi huja tunapoondoa mawazo yetu kutoka katika matatizo   yetu ya nyuma na mambo mazuri ya baadae tunayoyatarajia.  Kuendelea kukaa katika kukumbuka mambo ya   zamani itakuzuia kwenda mbele. Chukua mtazamo wa Ki-Mungu, na usiruhusu   changamoto au kushindwa kwa huko nyuma kutawala mawazo yako na kukuzuia   kufikiri. Mwambie Mungu shauku yako ya kufikia uwezo wako mtimilifu katika   Kristo, na muombe akusaidie kupanua maono na ndoto zako. Anataka wewe kufika   mahali pa kusudi lako kamili katika maisha, na pia kwa Kanisa lake.