Unayo Maombi!Mfano

“Maombi   Binafsi”

Kuomba   pamoja na rafiki, familia au hata kuomba kabla ya chakula ni njia nzuri ya   kuwasiliana na Mungu katika mazingira ya kuonekana. Lakini zaidi ya kushiriki   maombi ya pamoja, Mungu anatutaka tushiriki maombi ya mtu mmoja, yaani maombi   binafsi pia – kati ya wewe na Mungu pekee yenu. Yesu ana haya ya kusema   kuhusu faragha katika maombi yetu: 

“Bali wewe   usalipo, ingia katika chumba chako cha ndani, na ukiisha kufunga mlango   wako,usali mbele za Baba yako aliye sirini; na Baba yako aonaye sirini   atakujazi.” Mathayo 6:6

Maelekezo   ya Yesu kwetu ya kufunga mlango tunapoomba yanaonyesha kuwa Mungu anapendezwa   na maombi binafsi katika maisha yetu. Hamu yake ni kuongeza uhusiano wetu   binafsi na Yeye kupitia mawasiliano ya moja kwa moja ya mtu na Mungu. Mungu anaona kujitoa kwako   katika kuwa na uhusiano Naye, na ameahidi kukubariki. 

Mungu pia   anatutaka sisi kuwa wazi na wakweli katika mawasiliano yetu na Yeye, kama   vile tufanyavyo kwa watu tunaowapenda.  Wakati kuomba kwa utaratibu neno kwa neno ni   utaratibu wenye afya, ukweli ni kwamba Mungu anataka ile hali ya uhalisia   tunapoomba Kwake na wala si mlolongo wa maneno ya kukariri ya sala. Yesu   anasema hivi kuhusu ukweli na uhalisia katika maombi yetu:

“Nanyi   mkiwa katika kusali, msipayuke-payuke, kama watu wa mataifa; maana wao   hudhani ya kuwa watasikiwa kwa sababu ya maneno yao kuwa mengi (kurudia   maneno kusiko maana). Basi msifanane na hao; maana Baba yenu anajua   mnayohitaji kabla ninyi hamjamwomba.” Mathayo 6:7-8

Ingawa   Mungu tayari anajua tunayohitaji hata kabla hatujaomba, bado anatutaka sisi   tujieleze Kwake kwa ukweli na matarajio kwamba Yeye anatuwazia mema. Anataka   kujibu kila ombi kwa upendo na uaminifu. 

Jambo   lingine la muhimu kuhusu maombi binafsi ni kung’ang’ana na kutobadilika   badilika. Mungu hachoki kusikia maombi yetu, hata kama ni yale yale tuliyokwisha   peleka kwake. Yesu alisema hivi kuhusiana na bidii katika maombi yetu: 

“Ombeni,   nanyi mtapewa; tafuteni, nanyi mtaona; bisheni nanyi mtafunguliwa; kwa maana   kila aombaye hupokea; naye atafutaye huona; naye abishaye atafunguliwa.” Mathayo   7:7-8

Kutenga   kila siku muda binafsi wa mawasiliano na Mungu ni muhimu katika kukua kwenye mwendo   wetu wa Ukristo. Jaribu kuchagua muda kila siku ambao hautaingiliwa, na   usijali kwamba Mungu atakuwa ameweka saa yake akiangalia muda gani unampa   Yeye; Haangalii hilo. Yeye anakutaka wewe tu upatikane Kwake. Faragha, ukweli   na kung’ang’ana ni sifa tatu muhimu ya maombi ya mtu na Mungu na itakusaidia   wewe kujenga mahusiano ya karibu na Yeye. Utaufurahia muda huu wa thamani, na   utafika mahali pa kumtegeme a Yeye katka jinsi ambayo hujawahi kufanya.