Ishi Maisha -Yaliyojaa Kusudi!Mfano

“Kuwapenda   Wengine” 

Kunapokuwepo   hali ya kushamiri na kukua katika kumpenda Mungu katika maisha yetu, uwezo   wetu wa kuwapenda wengine nao pia huongezeka vizuri. Kunapokuwepo upendo   uliokomaa wa kuwapenda wengine kunakuja ile shauku inayokua ya kuonyesha huo   upendo, hivyo kutimiza moja ya kusudi la muhimu la Mungu kutuumba – kutenda   mema kwa wengine.  

Ni katika   mpango wa Mungu kwamba wakati wote tuonyeshe upendo kwa vitendo. Kila mmoja   wetu yu katika mpango mkuu wa Mungu kugusa maisha ya watu wengine kupitia   matendo mema. 

Kila   wakati tunapogusa maisha ya mtu mwingine kupitia neno jema, kufikia hitaji   fulani, au kuwa msikivu kwa moyo ulioumia, sio tu kwamba tunaonyesha upendo   wetu, lakini pia upendo wa Mungu kwao kupitia sisi. Kwa jinsi hii tunakuwa   vyombo muhimu vya kung’arisha utukufu wa Mungu kwa ulimwengu uliojaa giza na   kukosa tumaini. 

Kuangaza   nuru yetu hasa ni kuruhusu nuru ya Mungu kung’ara kupitia sisi. Kuna njia   tatu muhimu za kuangaza nuru ya Mungu kwa wengine: 

1. Uwe mshuhudiaji mwenye ufanisi; 

2. Watumikie wengine; 

3.  Ibada na Wakristo. 

Kuweka   imani yetu katika matendo katika njia hizi tatu huwawezesha wengine kuuona   upendo wa Mungu, neema na rehema, yote kwa utukufu Wake.