Ishi Maisha -Yaliyojaa Kusudi!Mfano

“Uwe   Mshuhudiaji Mwenye Ufanisi”

Kujua   jinsi ya kuwa mshuhudiaji mwenye ufanisi katika ulimwengu wetu wa kila siku   huanzia kwa kufahamu Mungu anataka wengine waone nini katika maisha yetu.   Jibu fupi ni, Yesu. Lakini hiyo ina maana gani? 

Yesu anatoa   mfano kamili wa jinsi Mungu anavyotaka sisi tuishi. Ingawa Yesu aliishi   maisha yake ya duniani katika ulimwengu uliokuwa tofauti sana na wetu leo   hii, Alionyesha tabia kamilifu ya Mungu na anatoa kielelezo sahihi kwa   ulimwengu wetu wa leo. 

Ni tabia   ya Mungu ambayo anataka aikuze katika maisha yetu na ionekane na wengine.   Hili linafanikiwa kupitia uhusiano wetu binafsi na Yesu tu.  

Kama tawi   linalobaki limeunganishwa katika mzabibu  unaolipa uhai wake linavyozaa matunda,   ndivyo ilivyo kwetu tunaobaki na uhusiano wetu na Yesu – tunazaa matunda – au   kuonyesha tabia za Mungu kupitia maisha yetu kwa wengine. 

Tabia ya   Mungu inapofanya kazi ndani yetu na kupitia sisi – Upendo wake, furaha,   amani, uvumilivu, utu wema, wema,uaminifu, upole na kiasi tunakuwa washuhudiaji   wenye ufanisi kwa kuishi maisha yetu ya kila siku. 

Kama   ilivyokuwa siku za Yesu, ile hali ya nje, mwonekano ulio hai wa tabia ya   Mungu kupitia maisha yetu – tunda la Roho – unaonekana wazi. Unawavuta wote,   waamini na wasioamini, ni jambo ambalo kila mtu analihitaji. 

Jiandae.   Mtu fulani anaweza kuwa anakuangalia na kuulizia juu yako bila wewe   kutazamia. Ushuhuda wako binafsi wa wokovu na wa kazi ya ajabu ya Mungu   katika maisha yako ni mahali pakuu pa kuanzia. Wakaribishe kanisani unaposali   au mahali mnapofanya ibada, na watie moyo wanapotafuta uhusiano na Mungu!