Soma Biblia Kila Siku 03/2020Mfano

Fanya agano nami, na tazama, mkono wangu utakuwa pamoja nawe, ili kuwaleta Israeli wote kwako (m.12). Maneno haya ya Abneri kwa Daudi yanaonyesha kwamba aliyekuwa na mamlaka juu ya Israeli; ni yeye wala si Ishboshethi (m.11: Mfalme hakuweza kumjibu Abneri tena, kwa sababu alimwogopa). Na Abneri alifanikiwa kutekeleza ahadi yake; hata Wabenyamini, kabila la Sauli, walikubali kwenda upande wa Daudi (m.19, Abneri alinena masikioni mwa Benyamini ... maneno yote yaliyoonekana kuwa mema ... machoni pa nyumba yote ya Benyamini)! Abneri alikwisha tambua kuwa Daudi ana nguvu kuliko yeye, na alijua ni kwa sababu Bwana yu pamoja naye (m.9-10, 17 na 18 ambapo Abneri anasema,Bwana amemtaja Daudi, akisema, kwa mkono wa mtumishi wangu, Daudi, nitawaokoa watu wangu Israeli katika mikono ya Wafilisti, na katika mikono ya adui zao wote). Kuhusu Mikali, unaweza kusoma katika 1 Samweli 18:27-29 na 25:44 ni kwa sababu gani Daudi anamwambia Abneri amletee (m.13-16).