Soma Biblia Kila Siku 07/2020Mfano

Huduma ya Yesu kuwaponya wagonjwa na kuwashibisha wenye njaa inaonyesha kwamba anampenda mwanadamu alivyo, haipendi tu roho ya mwanadamu bali na mwili pia. Wokovu wake si kwa ajili ya roho tu bali kwa ajili ya mwili pia. Kwa hiyo twakiri katika ukiri wa imani ya mitume kwamba "tunaamini ufufuo wa mwili"! Maana mwanadamu bila mwili si mwanadamu mkamilifu. Ufalme wa Mungu utakapokuja katika utukufu tutaishi humo tukiwa tumepata miili mipya isiyo na dhambi, miili ya utukufu. Maumivu na kifo havipo tena.