Soma Biblia Kila Siku 07/2020Mfano

Mungu anamtuma Ezekieli kwa watu wake waliomwasi. Ezekieli angeweza kuonewa na kuudhiwa, lakini anapaswa kuvumilia. Hivyo wangejua kwamba yeye ni nabii wa Mungu, kwa sababu neno la Mungu analowaletea lina nguvu (linganisha na matokeo ya Mungu kuongea na nabii katika 2:1-2,Akaniambia, Mwanadamu, simama kwa miguu yako, nami nitasema nawe.Naye aliposema nami, roho ikaniingia, ikanisimamisha). Litamlinda pia, Ezekieli asishiriki tabia yao ya ukaidi. Anapokula gombo lile, anaonesha kuwa ameufanya ujumbe wa Mungu kuwa wake mwenyewe kabla ya kuutoa kwa watu wengine. Tukifanya vilevile, tutastajaabu kama Ezekieli kuona kuwa ni tamu na lenye kupendeza.