Soma Biblia Kila Siku 07/2020Mfano

Manabii wahubiri neno la Mungu, lakini mara nyingine wao wenyewe pia ni ujumbe wake. Wanapitishwa katika hali ngumu sana ili kuonyesha kusudi la Mungu. Mfano ni jinsi Ezekieli alivyolala chini kwa ubavu siku 390. Siku hizi zamaanisha miaka 390 ya uovu wa Waisraeli, tangu hekalu la Yerusalemu lilipojengwa mpaka wakati wa Ezekieli. Ujumbe ni wazi: Mungu aadhibu dhambi isiyotubiwa. Yerusalemu utatekwa, maana hata baada ya Ufalme wa Kaskazini kuangamia, watu wa Yuda hawakuacha njia ya uovu.