Soma Biblia Kila Siku 07/2020Mfano

Kama vile mlinzi awaonyavyo wenyeji wa mji akiwaona maadui wanaotaka kushambulia, ndivyo Ezekieli alivyopaswa kuwaonya Waisraeli waliokuwa kifungoni. Waache dhambi zao na kuokolewa ili wasipate maafa zaidi ya yale waliyokwisha yapata. Iwapo Ezekieli angewaonya watu, nao wangedharau onyo lake, hao wangechukua lawama juu ya maafa yao. Lakini kama angeacha kutoa onyo, yeye angedaiwa kutoa hesabu kwa vifo vya watu hao. Basi, Ezekieli awaonye, nao wakubali onyo la Mungu, ili wapone wote.