Soma Biblia Kila Siku 07/2020Mfano

Msimwambie mtu ye yote habari ya maono hayo, hata Mwana wa Adamu atakapofufuka katika wafu (m.9). Yesu alitoa agizo hili ili watu wasije wakamfanya kuwa mfalme wao kwa nguvu, kama wengine walivyotaka siku nyingine:Watu wale, walipoiona ishara aliyoifanya[Yesu], walisema, Hakika huyu ni nabii yule ajaye ulimwenguni.Kisha Yesu, hali akitambua ya kuwa walitaka kuja kumshika ili wamfanye mfalme, akajitenga, akaenda tena mlimani yeye peke yake(Yn 6:14-15). Na mtume Petro kweli alieleza habari hii baada ya ufufuo: Hatukufuata hadithi zilizotungwa kwa werevu, tulipowajulisha ninyi nguvu zake Bwana wetu Yesu Kristo na kuja kwake; bali tulikuwa tumeuona wenyewe ukuu wake.Maana alipata kwa Mungu Baba heshima na utukufu, hapo alipoletewa sauti iliyotoka katika utukufu mkuu, Huyu ni Mwanangu, mpendwa wangu, ninayependezwa naye.Na sauti hiyo sisi tuliisikia ikitoka mbinguni tulipokuwa pamoja naye katika mlima ule mtakatifu.Nasi tuna lile neno la unabii lililo imara zaidi, ambalo, mkiliangalia, kama taa ing'aayo mahali penye giza, mwafanya vyema, mpaka kutakapopambazuka, na nyota ya asubuhi kuzuka mioyoni mwenu.Mkijua neno hili kwanza, ya kwamba hakuna unabii katika maandiko upatao kufasiriwa kama apendavyo mtu fulani tu.Maana unabii haukuletwa po pote kwa mapenzi ya mwanadamu; bali wanadamu walinena yaliyotoka kwa Mungu, wakiongozwa na Roho Mtakatifu(2 Pet 1:16-21). Yesu kuonekana katika utukufu kwenye mlima huu pamoja na manabii wawili, wakuu kulithibitisha kwa mtume Petro kwamba neno la manabii ni kweli kabisa. Kwa hiyo anatuhimiza kwamba tuliangalie neno lao kama taa ing'aayo mahali penye giza.