Soma Biblia Kila Siku 07/2020Mfano

Waliokuwa wanatoza ushuru wa nusu shekeli ni viongozi wa hekalu la Mungu Yerusalemu. Thamani ya nusu shekeli ni sawa na malipo ya kazi ya kibarua ya siku mbili Tanzania. Kwa mfano wake Yesu anataka kusema kwamba yeye na wanafunzi wake huru, wasingehitaji kulipa, maana Yesu ni mwana wa Mfalme wa Mbinguni na wanafunzi wake ni watoto wa Mungu. Wao si wageni. Yesu ameleta majira mapya. Shughuli za hekalu zinaelekea kwisha. Kwa siku sijazo hekalu la Mungu litakuwa ni mioyo ya watu wanaomwamini Yesu.