Soma Biblia Kila Siku 07/2020Mfano

Naye Yesu aliposikia hayo, aliondoka huko katika chombo, akaenda mahali pasipo watu, faraghani(m.13). Yesu alikuwa amesikia nini? Jibu linapatikana katika m.1-2 na Lk 13:31: Wakati ule mfalme Herode alisikia habari za Yesu, akawaambia watumishi wake,Huyo ndiye Yohana Mbatizaji; amefufuka katika wafu; na kwa hiyo nguvu hizo zinatenda kazi ndani yake. … Saa ile ile Mafarisayo kadha wa kadha walimwendea, wakamwambia, Toka hapa, uende mahali pengine, kwa sababu Herode anataka kukuua. Maisha ya Yesu yalikuwa hatarini, lakini wakati wake ulikuwa bado haujatimia. Kwa hiyo aliepukana na hiyo hatari kwa kufanya mambo mawili, na katika hili ni mfano kwetu. 1.Alitumia akili yake: aliondoka huko. Aliamua kwenda kwenye eneo la mfalme mwingine (Lk 9:10, Yesu akawachukua [wanafunzi wake], akaenda nao faraghani mpaka mji mmoja uitwao Bethsaida). 2.Alimkimbilia Baba yake katika sala: akaenda ... faraghani.