Soma Biblia Kila Siku/AGOSTI 2023Mfano

Mateso ya mgonjwa tuliyesoma habari zake tunaweza kuyaelewa japo kidogo tukizingatia muda aliougua – miaka 38! Mfumo wa tiba na taratibu za kijamii na kidini havikumsaidia. Kibaya zaidi, hata hakuna aliyemtambua kwamba na yeye alikuwapo. Katika kulalama kwake anasema hana mtu wa kumtia birikani. Yesu akamwona, kwa huruma akamponya ugonjwa wake. Baadaye akamwonya pia asitende dhambi tena. Fikiri maisha yako. Ni wapi umeugua na kushindwa? Umtegee Yesu sikio lako, ndiye jibu lako.