Soma Biblia Kila Siku 08/2024Mfano

Neema ya Mungu ni kuu katika maisha yetu. Tafakari tu jinsi ilivyodhihirishwa katika maisha ya Paulo. Aliwatesa sana wale waliomhubiri Yesu kama mwokozi. Lakini akiwa njiani kwenda Dameski kuwatesa watu wa Mungu alikutana na Yesu Kristo, akabatizwa na maisha yake yakabadilika, akawa mtume wa Bwana wake mpya. Neema ya Mungu ni kuu kuliko ubaya wetu, kama Paulo mwenyewe anavyojumlisha matukio yote katika maisha yake:Neema ya Bwana wetu ilizidi sana, pamoja na imani na pendo lililo katika Kristo Yesu(m.14). Hata kama unahisi wewe ni mbaya kuliko watu wote, umgeukie Yesu. Yeye anaweza kukubadilisha uwe mtumishi wake mwema kama Paulo.