Soma Biblia Kila Siku 08/2024Mfano

Wakati wetu hufanana na nyakati za mwisho zilivyofafanuliwa katika somo hili. Mafundisho yapo mengi yasiyopatana na kweli ya Neno la Mungu. Tujiepushe nayo, maana ni mafundisho ya mashetani.Roho anena waziwazi ya kwamba nyakati za mwisho wengine watajitenga na imani, wakisikiliza roho zidanganyazo, na mafundisho ya mashetani(m.1). Ikiwa tuna wasiwasi juu ya ujumbe fulani, njia tuliyopewa ni mawazo yetukutakaswa kwa neno la Mungu na kwa kuomba(m.5). Neno la Mungu lina nguvu ya kuchambua ujumbe wowote,maana Neno la Mungu li hai, tena lina nguvu, tena lina ukali kuliko upanga uwao wote ukatao kuwili, tena lachoma hata kuzigawanya nafsi na roho, na viungo na mafuta yaliyomo ndani yake; tena li jepesi kuyatambua mawazo na makusudi ya moyo(Ebr 4:12). Kwa kuweka utaratibu wa kulisoma kila siku, tunaliachia nafasi ya kutuongoza kwenye kweli yote. Katika 2 Tim 3:16 Paulo anaeleza matokeo yake kwa namna hii:Kila andiko, lenye pumzi ya Mungu, lafaa kwa mafundisho, na kwa kuwaonya watu makosa yao, na kwa kuwaongoza, na kwa kuwaadibisha katika haki.