Soma Biblia Kila Siku 08/2024Mfano

Katika huduma yake, Timotheo alikuta watu wakubwa kwa umri ambao hawakutaka kumsikia kwa sababu tu ni kijana. “Huyu ni kijana sana, hawezi kuniambia kitu!” Kijana afanye nini akidharauliwa hivyo? Usikubali kukatishwa tamaa,uwe kielelezo, Paulo anamshauri Timotheo. Katika m.12 anafafanua ni namna gani kijana awe kielelezo:Uwe kielelezo kwao waaminio, katika usemi na mwenendo, na katika upendo na imani na usafi. Pili, Timotheo anashauriwa:Usiache kuitumia karama ile iliyomo ndani yako, uliyopewa kwa unabii na kwa kuwekewa mikono ya wazee(m.14). Karama hiyo ya Roho Timotheo alipewa alipoitwa kwenye huduma. Kijana wa siku hizi, umtegemee Mungu, ukijikumbusha ahadi katika 1 The 5:24:Yeye ni mwaminifu ambaye awaita, naye atafanya.