Soma Biblia Kila Siku 09/2024Mfano

Yehu alipopakwa mafuta, mfalme Yoramu alikuwa Yezreeli akitibiwa majeraha, na Ahazia mfalme wa Yuda akiwepo pia kumtazama. Mara Yehu anakataza habari zisimfikie mfalme, ili atekeleze maagizo ya Bwana. Wafalme hao wawili wakigundua ni uhaini, wanajaribu kukimbia, lakini wanauawa wote. Yehu anajitambulisha kama mtekelezaji wa hukumu ya Mungu, lakini baadaye ilionekana kwamba moyoni mwake hakuwa pamoja na Bwana.Katika makosa yake Yeroboamu mwana wa Nebati, ambayo kwa hayo aliwakosesha Israeli, Yehu hakutoka katika kuyafuata, yaani, ndama za dhahabu zilizokuwako katika Betheli na Dani. …Yehu hakuangalia, aende katika sheria ya Bwana, Mungu wa Israeli, kwa moyo wake wote; hakutoka katika makosa ya Yeroboamu, ambayo kwa hayo aliwakosesha Israeli.Mpendwa mtumishi wa Bwana, moyo wako ukoje? Jihoji, usijidangaye.