Soma Biblia Kila Siku 09/2024Mfano

Yehu aliendelea kwenda mpaka Yezreeli alipokuwepo Yezebeli. Malkia mzee huyu alipofahamu ni kitu gani kilichokuwa kinakuja, aliamua kukabili kifo chake katika heshima ya kifalme. Tena alimtukana Yehu kwa kumwita Zimri. Zimri alijifanya mfalme kwa uhaini, ila alitawala siku saba tu, akashindwa na Omri, baba mkwe wa Yezebeli. Kwa sababu Israeli wote waliposikia habari ya kwamba Zimri amefanya fitina, tena amempiga mfalme ... wakamfanya Omri, jemadari wa jeshi, awe mfalme juu ya Israeli siku ile maragoni. Omri akapanda kutoka Gibethoni, na Israeli wote pamoja naye, wakauhusuru Tirza. Ikawa Zimri alipoona ya kuwa mji umetwaliwa, akaingia ngomeni mwa nyumba ya mfalme, akaiteketeza nyumba ya mfalme juu yake kwa moto, akafa; kwa sababu ya makosa aliyoyakosa, akifanya mabaya machoni pa Bwana, kwa kuiendea njia ya Yeroboamu na makosa yake aliyoyafanya akiwakosesha Israeli(1 Fal 16:16-19). Yezebeli alipata kifo cha aibu. Mpendwa, tukumbuke kwamba, Mungu hataonesha huruma kwetu siku ya hukumu. Wakati wa kupokea huruma na msamaha ni sasa!