Soma Biblia Kila Siku 12/2024Mfano

Zaburi hii huonyesha nguvu ya Mungu. Yeye ni kama ngome ya kukimbilia na kuwa salama. Tumshukuru Mungu kwamba pamoja na magumu yote, pia msaada wake ulionekana tele. Zaburi inaatuonyesha matendo ya Mungu. Katika shida nyingi, na hata katika zile za kimataifa, Mungu anafanya kazi.Mataifa yalighadhibika, falme zikataharuki; Alitoa sauti yake, nchi ikayeyuka. ... Avikomesha vita hata mwisho wa dunia; Avunja uta, akata mkuki, achoma moto magari(m.6 na m.9). Hiyo ni faraja kwetu siku hizi zenye matatizo mengi ya kimataifa. Hivyo tutembee naye kwa uaminifu ili aendelee kuwa msaada maishani mwetu. Tukumbuke kuwa Mungu ni ngome yetu, hivyo tumtegemee. Mungu kwetu sisi ni kimbilio na nguvu, Msaada utakaoonekana tele wakati wa mateso. Kwa hiyo hatutaogopa ijapobadilika nchi, Ijapotetemeka milima moyoni mwa bahari. ...Bwana wa majeshi yu pamoja nasi, Mungu wa Yakobo ni ngome yetu(m.1-2, 11).