பலன்மாதிரி

தீர்க்கதரிசி என்னும் நாமத்தினிமித்தம் தீர்க்கதரிசியை ஏற்றுக்கொள்ளுகிறவன் தீர்க்கதரிசிக்கேற்ற பலனை அடைவான்; நீதிமான் என்னும் நாமத்தினிமித்தம் நீதிமானை ஏற்றுக்கொள்ளுகிறவன் நீதிமானுக்கேற்ற பலனை அடைவான். சீஷன் என்னும் நாமத்தினிமித்தம் இந்தச் சிறியரில் ஒருவனுக்கு ஒரு கலசம் தண்ணீர்மாத்திரம் குடிக்கக் கொடுக்கிறவனும் தன் பலனை அடையாமற்போகான் என்று, மெய்யாகவே உங்களுக்குச் சொல்லுகிறேன் என்றார்.

மத்தேயு 10:41‭-‬42

ஒவ்வொரு கிறிஸ்தவரும் சபைக்கு,ஊழியருக்கு, ஊழியங்களுக்கு, விசுவாச குடும்பங்களுக்கு,ஏழை எளியவருக்கு கொடுக்கும்படி வேதாகமம் நமக்கு கற்றுக் கொடுக்கிறது .

நாம் சபைக்கு செல்லும்போது காணிக்கை கொடுக்கிறோம். அவைகள் ஊழியங்களுக்கும், ஊழியர்களுக்கும் பயன்படுகின்றன.ஆனால் தேவன் அவைகளை தனக்கு கொடுப்பதாக கருதுகிறார். மேலும், ஏழைக்கு இறங்குகிறவன் கர்த்தருக்கு கடன் கொடுக்கிறான்( நீதி 19:17) என்றும் வேதத்தில் வாசிக்கிறோம். இவ்வாறு நாம் கொடுக்கும் போது அதன் பலனை நாம் பெற்றுக் கொள்கிறோம்.

மேலும்,கொடுத்தல் என்பது பணம் மட்டுமே அல்லாமல் பொருள், உதவி,உணவு, நேரம், உற்சாகமூட்டும் நல்வார்த்தை போன்றவைகளும் உள்ளடங்கும்.

மேற்கோள் காட்டிய வசனங்களில், "ஒரு கலசம் தண்ணீர்' கொடுத்தாலும் பலன் கிடைக்கும் என்று வாசிக்கிறோம். ஆகவே, 'எனக்கு கொடுப்பதற்கு திராணி இல்லை' என்று போக்கு சொல்வதற்கு ஒருவருக்கும் இடமே இல்லை!

நம் தியானத்தில்,சூனேம் நகரில் கனம் பொருந்திய ஒரு ஸ்திரீ எலியா தீர்க்கதரிசிக்கு செய்த உபகாரங்களால் அவளுக்கு கிடைத்த 4 பலன்களை நாம் பார்க்கலாம் (2 இரா 4:8-37;8:1-6).