புத்தி தெளிந்த போது... லூக்கா 15:17 - சகோதரன் சித்தார்த்தன்மாதிரி

பாவம் என்றால் “missing the mark” என ஆங்கிலத்திலும், தமிழில்- குறி தவறும் அம்பு;வழி தப்பிப்போன ஆடு, காணாமல் போன வெள்ளிக்காசு; தேவனோடு உள்ள உறவிலிருந்து பிரிந்ததினால்-ஆவியில் மரித்தவாழ்க்கை என்றும் அர்த்தம்.

Man is Spiritual Being in a Physical Body...மனிதன் (இது மனுஷியையும் உள்ளடக்கும்) ஆவி , ஆத்துமா மற்றும் சரீத்தினால் ஆனவன். அவன் ஆவிக்குரியவன் – சரீரம் என்னும் மட்பாண்டத்தில் அந்த ஆவி , ஆத்துமாவைப் பெற்றிருக்கிறான். ஆவிக்குரியவன் என்றால் அவன் தொடர்ச்சியாக தன்னைப்படைத்த தேவனோடு உறவிலே இருக்க வேண்டும். இது தான் அவனது ஜீவன்.

ஏதேன் தோட்டத்தில் பாவம் பிரவேசித்தபோது மனுஷன் சரீரபிரகாரமாக மரிக்கவில்லை; ஆனால், அவனது ஆவி தேவனோடு கொண்டிருந்த உறவை இழந்தது. இதுதான் மனுஷனுடைய அவலநிலை (பாவம்). இந்நிலையிலிருந்து மனுஷனை இரட்சிக்க (காப்பாற்ற) இயேசு உலகத்தில் வந்தார். அவரே தேவனுடன் ஆன நமது உறவை புதுப்பிக்க வழி, சத்தியம், ஜீவன் (யோவான் 14:6).

1தீமோத்தேயு 1:15 வசன தியானத்தில் தேவனுடன் ஆன நமது இழந்து போன உறவை புதுப்பித்துதர- இயேசு உலகத்தில் வந்தார் என்ற வார்த்தை - உண்மையும் எல்லா அங்கீகரிப்புக்கும் பாத்திரமானது. சவுல்ஆக இருந்து பவுல் ஆன நான் – ”தேவனோடு இருக்கும் உறவை இழந்து நின்றதில் பிரதானமானவன்” என்கிறார்.