புத்தி தெளிந்த போது... லூக்கா 15:17 - சகோதரன் சித்தார்த்தன்மாதிரி

தேவன் தம்முடைய ஒரேபேறான குமாரனை (இயேசுவை) இவ்வுலகிற்கு தந்தருளி இவ்வளவாய் அன்புகூர்ந்திருக்கின்றார் (யோவான் 3:16) என்பதே நற்செய்தி. இது சத்தியம்.

நாம் மாட்டை வண்டிக்கு பின்னால் கட்டினால் அது ஓடாது; மாற்றி மாட்டை வண்டிக்கு முன்னால் கட்டினால் வண்டி ஓடும்….இதுவே இன்று நாம் செய்ய வேண்டியது. ஆங்கிலத்தில் PUT FIRST THINGS FIRST என்பார்கள். இது தான் புத்தி தெளிந்த போது.......

இன்றைக்கு நமது முன்னுரிமையை (FIRST PRIORITY) இயேசு என்னும் நாமத்திற்கு தந்து - விசுவாசம் உள்ளவர்களாய் இயேசுவை ஏற்றுக்கொள்ளும் போது நமக்கு நமது புத்திரபாக்கியமும் அதற்குரிய சிலாக்கியங்களும் நமக்கு உரிமை ஆகிறது.

இன்றைய வேத வாசிப்பு பகுதியில் நாம் காணும் : பிதாவாகிய தேவன் நமக்கு மோதிரத்தை அணிவிப்பது “நாம் பிள்ளைகள்” என்ற அதிகாரத்தை திரும்ப தருவதையும் – பாதரட்சையை அணிவிப்பது “நமது தேவைகளை சந்திப்பார் நம்மையும் நமது குடும்பத்தினரையும் பாதுகாப்பார்” என்ற நிச்சயத்தை தருவதையும் காட்டுகிறது..

கேள்வி: நம்முடைய வாழ்வில் முதலிடத்தை - தேவனுக்கு - தேவனுக்கு தான் என்று கொடுப்போமா?

செயல்படுங்கள் ; சந்தோஷப்பட்டு களிகூருங்கள் நீங்கள் தேவனுடைய குமாரர்/ குமாரத்திகள்.