Популярні біблійні вірші з قْلّ 15

Поділитись

عِبُرَ مَ نَشَ لَ عَلَتَلَ رَ. عَلَتَلَ قَن نَشَ نَ قِندِ تِنشِنيِ رَ عَ بّ.

نَ شَنبِ عَلَتَلَ نَشَ مِنِ عِبُرَ مَ مَ، عَ نَشَ عَ مَسٍن عَ بّ، «عِبُرَ مَ عِ نَشَ فَاشُ، ﭑ تَن نَن نَ عِ كَنتَمَ رَ. عِ سَرٍ شُنفبٍ سْتْمَ نّ.»

عَلَتَلَ نَشَ عِبُرَ مَ رَ مِنِ عَ شَ كِرِ بَنشِ بُن مَ، عَ نَشَ عَ مَسٍن عَ بّ، «عِ يَ رَتٍ كٌورٍ مَ. عِ شَ تُنبُييٍ كْنتِ شَ عِ نْمَ عٍ كْنتِ كٌلٌندٍ.» عَ مَن نَشَ عَ مَسٍن عَ بّ، «تُنبُييٍ فبٌشِ كِ نَشّ كٌورٍ مَ، عِ بْنسْي قَن وُيَمَ نَ كِ نّ.»

عَلَتَلَ نَشَ عَ يَابِ، «عَدٍ، نَ مُ قِندِ مَ عِ كّ تٌنفٌمَ رَ دٍ. عِ بَرِ دِ يَتِ نَن قَمَ قِندِدٍ عِ كّ تٌنفٌمَ رَ.»

عَلَتَلَ نَشَ عَ مَسٍن عَ بّ، «عَ كٌلٌن، عِ بْنسْي قَمَ سِفَدٍ بْشِ فبّتّ مَ عٍ شْنيِ مُ دّننَشّ رَ. عٍ قِندِ مَ نّ كٌنيِيٍ رَ نَ بْشِ مَ. عٍ قٍ شْنّ مْولِ بِرِن سْتْمَ نّ مّننِ حّ كّمّ نَانِ بُن مَ.

عِبُرَ مَ نَشَ عَ يَابِ، «مَرِفِ عَلَتَلَ، عِ مُنسٍ حَنِفٍشِ ﭑ بّ عَ قِقٍ رَ ﭑ مَ؟ ﭑ تٌ يِ كِ، دِ يٌ مُ نَ ﭑ بّ. مِشِ مُ نَ ﭑ بّ نَشَن ﭑ كّ تٌنفٌمَ قٌ ﭑ مَ وَلِكّ عٍلِيٍسٍرِ دَ مَسِ.

نَ لْشْي، عَلَتَلَ نَشَ يِ سَاتّ تٌنفٌ عِبُرَ مَ بّ، «ﭑ بَرَ يِ بْشِ قِ عِ بْنسْي مَ، كٍلِ مِسِرَ شُرٍ مَ، سَ دْشْ عٍقِرَتِ شُرٍ بٍلٍبٍلٍ رَ.»

عَمٌرِكَيٍ شَ يُنُبِ نَ فبٌ يّ تّمُي نَشّ، عِ بْنسْي تٌلٌنتٌلٌنيِيٍ قَمَ فبِلٍندٍ كٍلِقٍ عٍ شَ كٌنيِيَ كُي.»