Популярні біблійні вірші з ཡོ༌ཧཱ༌ནན༌ 2

Поділитись

འི༌བོ༌ ཡེ༌ཤུའི༌ ཧ༌ལས༌ཤེས༌སི༌ ལྟས༌ ཏང༌པོ༌བོ༌ ཨིན༌པིན༌, ཀ༌བོ༌ ཁོང༌ངི༌ གཱ༌ལིལ༌ལི༌ ཡུལ༌ཇོངས༌སི༌ ཀ༌ནཱའེ༌ གྲོང༌ཁྱེར༌ལ༌ སྟན༌ན༌ ཛད༌ཏེ༌ ཁོང༌རང༌ངི༌ ཟིར༌རྗིད༌ སྔོན༌ ཅུག༌ག༌ ཛདས༌, ཡང༌ ཁོང༌ངི༌ ལོབ༌ཕྲུགས༌གུན༌ནི༌ ཁོང༌ངི༌ཀ༌ ཏད༌པ༌ ཅོས༌།

ཡེ༌ཤུའི༌ ཨ༌མའ༌ མོལས༌, “ཅེས༌པའེ༌ བུ༌མོ༌, ང༌ འི༌ ནང༌ང༌ ཅིའ༌ སྲེའད༌། ཏ༌རུང༌ ངའེ༌ ཏུས༌ མ༌ལེབ༌བ༌ཨིན༌།”

ཡེ༌ཤུའི༌ ཡོག༌པོ༌གུན༌ལ༌ མོལས༌, “ཏེ༌ ཛ༌མ༌གུན༌ནི༌ ནང༌ང༌ ཆུ༌ སྐོང༌,” ཡོག༌པོ༌གུན༌ནི༌ ཁོང༌ངི༌ མོལ༌ཁན༌ ནང༌ཞིན༌ ཛ༌མ༌གུན༌ གང༌ཅུགས༌ཏེ༌ ཆུ༌ སྐངས༌། ཏེ༌ སྟིང༌ནེ༌ ཡེ༌ཤུའི༌ ཡོག༌པོ༌གུན༌ལ༌ མོལས༌, “ཏ༌ ཟ༌མའེ༌ ནང༌ནེ༌ ཆུ༌ ཅུས༌ཏེ༌, གྲོན༌ནི༌ ལྡིང༌སྤོན༌ལ༌ ཁྱེར༌,” ཡང༌ ཁོང༌གུན༌ནི༌ ཡེ༌ཤུའི༌ མོལ༌ཁན༌བོ༌ ཅོས༌།

ཡེ༌ཤུའི༌ ཏེ༌ མི༌གུན༌ལ༌ ལན༌སལ༌ཨིན༌ མོལས༌, “འི༌ ཆོད༌ཁང༌བོ༌ ཤིག༌, ངའེ༌ ཞག༌ སུམ༌མི༌ ནང༌ང༌ ཡང༌ ལང༌ཨིན༌།”

ཡེ༌ཤུའི༌ ཐག༌པ༌ཞིག༌ག༌ རྟལ༌ལྕག༌ ཛད༌ཏེ༌, ཆོད༌ཁང༌ངི༌ གྱང༌སྐོར༌རི༌ ནང༌ང༌ ཡོད༌ཁན༌ནི༌ ལུག༌, ལང༌ཏོ༌ དང༌ ཕུར༌གོན༌ ཚང༌མ༌ ཕི༌ལོག༌ག༌ ཕིང༌ང༌ ཛདས༌, ཡང༌ པེ༌ནེ༌ རྡེབ༌ཁན༌གུན༌ནི༌ ལྕགས༌སི༌ པེ༌ནེ༌གུན༌ ཁྲེས༌ཏོར༌ ཛད༌ཏེ༌ ཅོག༌ཙེ༌གུན༌ ལོག༌ག༌ ཛདས༌། ཡང༌ ཕུར༌གོན༌ ཙོང༌ཁན༌གུན༌ལ༌ མོལས༌, “འི༌ ཚང༌མ༌ ཕིངས༌ཏེ༌ ཁྱེར༌, ངའེ༌ ཡབ༌བི༌ ཞུགས༌ས༌བོ༌ ཁྲོམས༌ས༌ མ༌ཅོ༌ཤིག༌།”