Популярні біблійні вірші з Baɗitari 15

Поділитись

Ibram ku hamta jiri aka MTHLAKU, antə MTHLAKU wuta abbər hamta jirərni ni ku namtə ni kalkal akəma Hyel.

Aghəla nda antə MTHLAKU ku gari aka Ibram akwa wulsu abbər, “Ibram ga aɗiya thlivər wa, I an partauwur nga, watsəɓər nga ata ndzi hang ka duna.”

Antə MTHLAKU ləɓəla ka tsa ka pəla alari, “Haptə nca ga amtazi, kara jikatə sasəlkayeri ni, ma har ga ata mzhi jikatə ɗa. Apani antə hangkur kəkayeri ar nga ata sə ndzi.”

Antə MTHLAKU ku gari alari ka pəla, “Aɗi mdə ngəni an ata fa kifər ngə wa, amma ɓzər kuta ga an ata fa kifər nga.”

Antə MTHLAKU pəla aka Ibram, “Kara sənda abbər jiri, kəkayeri ar nga ata sə ra ndzi mətəpi akwa tsəɗi na aɗi arɗa wa. Antə da ata ndzi mafa anda, ka mdə hara ala ɗa bwani har məva aru nfwar.

Amma Ibram pəla, “MTHLAKU na ka Duna ta Shang, man su tə ga ata na ali ri? Kamnyar ba kulini I aɗi ka ɓzər wa, tsuwa mdər fa kifər kutakəyirna an Eliyezer na mdər Damaska!”

Tsu vir nda antə MTHLAKU hara alkawal aka Ibram ka pəla, “Aka kəkayeri ar nga antə I akwa hamta tsəɗi ngəni, baɗitə ka Thlyaghar Masar har ka vədza ka thlyagha na ola ar Yufiretis.”

Akwa zaman na nfwarkur ar kəkayeri ar nga, antə da ata ngka azi, kamnyar bikər mjir Amor aɗi kuri nghyaɓəladzi katagu wa.”