Популярні біблійні вірші з Chukusakị 22

Поділитись

Ebraham ḅe nwọse anịanga mị chịnmẹ, Jehova Jire; na “Nyanaḅọ Ḅe Pịrịmẹ.” Mịmgba sọnị tomoni pa “Nyanaḅọ Ḅe oria tụndụ ọgọnọ ḅẹaḅẹ na ori mị pịrịpịrịye-ẹ.”

“Ị́ya tọkụ ḅe ọkị,” Tamụnọ Ḅe ọkọ ḅẹmẹ, “ị́ya ngẹrị tọkụ, Aịzịk ḅe, ị́ opuma ḅẹlẹma ḅọḅe se Moraya ama mị mun. Anịanga à se ị́ ḍieḅịa gbọrị tụndụ ọgọnọ, ò seni agbamịẹ ị̀ pịrị.”

“Yese tọkụ ḅe lamama pịkị gbọrịye sọ se ọ̀ mịẹma,” ọ̀ nwọ ḅẹmẹ. “Mịọkụ mị à nemiye-ẹ na ị́ Tamụnọ osi pịkịna ọ̀ ḅịpị pokimẹ; anịatịḅị ị́ya ngẹrị tọkụ ḅe se ị̀ pịrị mị ḅụ ị́ ọlọchịẹmakẹ.”

Ebraham ḅe nwọ pẹkẹrẹmẹ, “Tamụnọ Ḅe ọ̀ ḅarana gbọrịwu nwọ pakụmaḅoḅịa.” Ini mama apụma, ini pa nwẹngịma mun aḅẹ.

à ḅereni na à mịẹḅịa ị́ ḅụ pakaḅoḅịa apụma ini sotọrụ sime lolia ma ḅaka ọkụ ḅakaḅịa pịkị tọrụ aka sime onwun mgbọlụma ḅaka ọkụ ḅakaḅịa. Ị́ furo ḅie pakaḅoḅịa apụma ini ini na taraka apụma ḅụ ọmụḅaraiḅi nyanaḅịa. Sẹ mamgba ḅẹḅịa àrị ị́ furo ḅie pakaḅo apụma ḅẹlẹma ọkụ nwọse ini ḅẹlẹma—arịmgba anịatịḅị à tọn ị́ pịrịye ị́ nwọ mịẹmẹ.”

Anịeso Tamụnọ Ḅe Ebraham ḅe ḍaḍikimẹ, ori ọ̀ chịnmẹ, “Ebraham!” Se Ebraham ḅe nwọ pẹkẹrẹmẹ, “Aan, mị ị̀rị̀-ẹ!”

Ọkụma Nyanaḅọ Ḅe enjẹlḅọ soḅie wẹrị ọ̀ chịn olokumẹ, “Ebraham, Ebraham!” Ọ̀ pẹkẹrẹmẹ, “Aan, mị ị̀rị̀-ẹ.”

Nyanaḅọ Ḅe oria enjẹlḅọ soḅie maịn-karama sịkị se Ebraham ḅe chịnmẹ, “Ị̀ya ẹrẹḅụ à yekarịfị se yeḅerenisam, Nyanaḅọ Ḅe nwọ ḅẹmẹ, à ḅakama yela ḅarase ị́ ḅẹlẹmaḅịa. Anịatịḅị ị́ mịn mị mịẹye gose, pịkị ị̀ ḅụ ị́ya ngẹrị tọkụ ḅe ị́ nwọse ọḅụdakaye gose

Iniḅo Tamụnọ Ḅe ḍuko ọ̀ pịrị nyọ mị lasịkị, Ebraham ḅe gbọrị agbamịẹ ẹbẹ nwọ pikemẹ se ori anị ọgọnọ fịnị ma se ọrụ tọntọn koromamẹ. Ori oria tọkụ Aịzịk ḅe fịna se ò se agbamịẹ ẹbẹ mị ọgọnọ gbanamẹ.