Популярні біблійні вірші з Yaahaya 2

Поділитись

Alama ya eto ya minjuza, yaari ya mwanzo Yinsa oretta nti wa Kanaani ya Kalileya. Siifwa zawe yaathonyezeyiye attaapho, na anakhiyoni awe khunkhupali.

Ila Yinsa khujipu araka: “Muukha, enihithajiya okuuza? Nalelo khunafiye wakathi aka.”

Yinsa khulupa yoori: “Mwiitaaze maati wakhula yuuku.” Yo khwiitaaza mpakha omilomo waya. Aphano Yinsa khuwooza yoori: “Mwittekhe vattitthiiru mwimweettisele mahutumu wa njampo.” Yo khuretta etthiipo.

Yinsa khujipu yoori: “Mwipweche nyuupa eti, miiyo kintta ojeka opheya khwa siikhu ttatthu!”

Aphano khweesa puutta ya nkhoyi, khuweekaramo atthu ooshi Nnyupa Woosifwiwamo Nluku, vamote na pwittipwitthi mpakha mompe zaya. Khumwazela vathi nzurukhu wa apale aari opatilisaaye na khuphinttula meeza aya. Na khuwooza apale aari wuuzanyisaaye jiwa yoori: “Mwilazemo vitthu zooshi! Mwilikhe oretta pazari nyuupa ya Paapa.”