Популярні біблійні вірші з LUKA 19

Поділитись

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

“Madu a mying nsang hte du sa ai hkawhkam wa hpe Karai Kasang shaman ya u ga law! Sumsing lamu e ngwi pyaw ai hte, Tsaw htum ai shara e Karai Kasang a hpung shingkang rawng nga u ga law!” nga ma ai.

Shaloi Yesu gaw, “Dai ni ndai nta hta hkye hkrang la ai lam pru sai, hpa majaw nga yang, shi mung Abraham a kasha rai nga ai.

Yesu dai shara de du yang, shi dap mada yu nna, “Zake e, alawan yu wa rit, dai ni ngai na nta e hkring manam na nngai,” ngu nna shi hpe tsun wu ai. Shaloi, Zake alawan yu wa nna, kabu gara ai hte Yesu hpe hkap hkalum la wu ai.

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

Dai shaloi, shawa hpawng kata na Hparishe nkau mi gaw, “Sara e, na a sape ni hpe atsin sha nga na matu hkang da u,” ngu nna Yesu hpe tsun mu ai. Yesu gaw, “Ngai nanhte hpe tsun made ga, ndai ni atsin sha nga ma yang gaw, nlung ni shanhte dai jahtau na mara ai,” ngu nna htan wu ai.