Популярні біблійні вірші з Rukas 24

Поділитись

Wabyziutahaktsa! Tapara kazo harere kabo nitsasoko. Utakta iharere ahabo iktsasoko. Byi puẽtsik Deus hyrikoso ahabo myzipeha. Iwaze Serusarẽhe eze tsiperynaha. Deus hyrikoso ikiahatsa bo myzipeha. Deus zikwy pahapeha my — niy.

Kytsa ispe niaha: — Amo skaraba siakbatsa ytyk botu ispita tsipiberikinaha inahyrizikpo. Batu aty tohi tykarezeka. Hana bo ja. Mytsatytaha!

Atsikara zitsatsakarakze atsoko Sesus zinynaha. Iwaze babyita tu hokda zuba niy. Iwaze asa zuba nipamykysokonaha. — Katsaktsa batu mytsaty tsikaha. Ske buruk nimyhyrinymyrykyze katsa batu mytsaty tsikaha. Taparaktsa Deus sohokotsa watahaha nimyhyrinymykyze mykurẽtsa tsikykaranaha — niaha.

Niahatsahi nisihyrinymyryky. Iwaze Deus harere papeu humo ky zinymyryziukunaha. Tubabatu papeu humo ziwatahaka: — Deus zipehata mohyrikosokda. Harakykbyihi puruze mynahyrizikpo, ispitu mozikzo. Iwatahi Deus wasania ty aparakbaha bo tytsasokonahaktsa! Zipehata humo wasania ty tsimypamykysokonahaktsa! Tsipamykysokonahaze aparakbaha bo: “Ahamysapybyri tsimoewynaha awatutaha! Niytahi Deus ahamysapybara humo pahaokzohik” niy. Tapara Serusarẽhe ezektsa bo tsimytsasokonaha.

Harahare hoke bo iktsa niaha. Harahare puẽtsikbyita ty meky botu zikare niy. Iwaze iytyk bo nipupunaha. Anaeze Sesus nury ty batu ityny: — Hana bo sa inury — nikaranaha.