چرواہے کی دیکھ بھالنمونہ

چرواہا جومہیا کرتا ہے

"خُداوند میرا چوپان ہے، مجھے کمی نہ ہوگی۔" – زبور 23:1

میرے عزیز دوست، کیا آپ کبھی ایسی حالت میں رہے ہیں جہاں آپ کو معلوم نہ ہو کہ آپ کس طرح حالات کا سامنا کریں گے؟ شاید آپ حال ہی میں ایسی ہی کیفیت سے گزرے ہوں۔ میں ایک صبح بوجھل دل اور مالی معاملات کی پریشانیوں کے ساتھ جاگا۔ میں ایک مخصوص صورتحال میں حالات کی تبدیلی کا انتظار کر رہا تھا اور امید کر رہا تھا کہ کوئی شخص یا ذریعہ ہمارے حالات کو بدل دے گا۔

میں نے روح میں دعا کرنا شروع کی، عبادتی گیت گانے لگا اور خُداوند کی حضوری میں وقت گزارنے لگا۔ تب خُداوند نے میرے دل سے کلام کیا:

"لوگ تمہاری ضروریات کا ذریعہ نہیں ہیں، اور نہ ہی کوئی اختیار تمہاری کفالت کر سکتا ہے، بلکہ میں تمہارا چرواہا ہوں۔ جب خُداوند تمہارا چرواہا ہے، اور اُس میں تمہیں کسی چیز کی کمی نہ ہوگی۔"

یہ صرف مالی ضروریات کے بارے میں نہیں تھا بلکہ امن، امید، اور بھروسے کے بارے میں بھی تھا۔ ان تمام فکروں کے بیچ، خُداوند نے میرے دل کو بے حد سکون بخشا۔ میں نے زبور 23:1 کو مضبوطی سے تھام لیا۔ خُداوند میرا چرواہا ہے، اور وہ مجھے ایسے طریقوں سے مہیا کرے گا جو میں اس وقت نہیں دیکھ سکتا تھا۔ مگر میں نے خُدا کے کلام کو اپنی صورتحال اور حالات سے بالاتر دیکھنا شروع کیا۔

کبھی کبھار خُدا ہمیں غیر متوقع برکتوں کے ذریعے نوازتا ہے، کبھی کسی ایسی حوصلہ افزا بات کے ذریعے جو بالکل صحیح وقت پر آتی ہے۔ خُدا نہ صرف ہمارے دلوں کو امن بخشتا ہے بلکہ ہمارے حالات کو دیکھنے کا نظریہ بھی بدل دیتا ہے۔

میرے عزیز دوست، ایک لمحہ نکال کر اس نیک چرواہے کے بارے میں غور کریں جو نہ صرف ہماری ضروریات کو پورا کرتا ہے بلکہ ہمارے دلوں کو اپنے امن سے بھی بھر دیتا ہے، چاہے حالات کیسے ہی کیوں نہ ہوں۔ اُس کی مہیا کرنے کی قدرت اور اُس کا امن ہمیشہ ہمارے ساتھ ہے، ہمیں بس اُس کی دیکھ بھال پر بھروسہ رکھنا ہے۔

دعا:

اے خُداوند، تیرا شکر ہو کہ تُو میرا چرواہا ہے۔ میں تجھ پر بھروسہ کرتا ہوں کہ تُو میری زندگی کے ہر پہلو میں میری ضروریات پوری کرے گا۔ مجھے تیری کفالت کو دیکھنے اور تیری دیکھ بھال میں آرام کرنے میں مدد دے۔ آمین۔

آپ ایک معجزہ ہے !