چرواہے کی دیکھ بھالنمونہ

چرواہا جو حفاظت کرتا ہے

"خُداوند میرا چوپان ہے، مجھے کمی نہ ہوگی۔" – زبور 23:1

میرے عزیز دوست، کیا آپ نے کبھی خود کو غیر محفوظ محسوس کیا ہے، جیسے پوری دنیا آپ کے خلاف ہو؟ میں نے بھی یہ محسوس کیا ہے—جب خوف اور شک نے مجھے ہر طرف سے گھیر لیا تھا۔ لیکن اُن لمحات میں، میں نے جانا کہ خُداوند، میرا چرواہا، صرف مہیا کرنے والا اور رہنما ہی نہیں بلکہ محافظ بھی ہے۔

خُدا کی حفاظت کا مطلب ہمیشہ یہ نہیں ہوتا کہ وہ ہمیں مشکلات سے بچا لے۔ بعض اوقات، اس کا مطلب یہ ہوتا ہے کہ وہ ہمیں ان چیلنجز کا سامنا کرنے کی قوت عطا کرے۔ میں نے اپنی زندگی میں خُدا کی حفاظت کو اُن طریقوں سے محسوس کیا ہے جنہیں میں بیان بھی نہیں کر سکتا—افراتفری کے بیچ سکون، خوف کے عالم میں ہمت، اور اکثر جب میں غیر یقینی صورتحال کے خوف میں مبتلا ہوتا ہوں، تب میں خُدا پر توجہ مرکوز کرتا ہوں، اور مجھے اس بات کا یقین ملتا ہے کہ میں اُس کی بھیڑ ہوں اور وہ میرا چرواہا ہے، جو ہمیشہ میری حفاظت کرے گا۔

میرے پیارے دوست، ایک لمحہ نکال کر اس وقت کے بارے میں سوچیں جب آپ نے خود کو غیر محفوظ یا خوف زدہ محسوس کیا تھا۔ خُدا نے اس وقت آپ کی کس طرح حفاظت کی؟ غور کریں کہ وہ کیسے اب بھی مشکل ترین لمحات میں آپ کو بچانے اور ڈھانپنے والا ہے۔

دُعا:

اے خُداوند، تیرا شکر ہو کہ تُو میرا محافظ ہے۔ میں تجھ پر بھروسہ کرتا ہوں کہ تُو ہر حال میں میری حفاظت کر رہا ہے۔ میری مدد کر کہ میں تیری حفاظت کو محسوس کر سکوں اور تیری دیکھ بھال میں آرام پا سکوں۔ آمین۔

آپ ایک معجزہ ہے !