Iivesi zeBhayibhile ezithandwayo ezisuka Tabekacane 27

Share

Ku Twaumase ani patwalai subelebelenge patarumara muswane ku udale ki kalarigarigane, lani pakalrange akarawmane ki kadaenganesu. Ani baai muswane ku ngiaesaadhane ku lataleke, mathariri ka bava! Sanaka kuni ani marasikai muswane; kai sanaka umawmase ani sukubu muswane. Asu rathudu ki laretesanesu; ku lalalake ki tinasu ani makitu pidruru sukubu muswane. Ku wapusu muswane ku umawmase lri kipusu; ku swabulrubulru muswane ku umawmase lri kipakaesai.”

Ku Isau la iya kai, “Kikai yai saka kingipusale lrilrigili nakwane, tharepanenga si Yakubu, kwi lasu waribici ku puku ki takaeapaneli, kikai la maalranga ribici ku akaesadhaneli. Kadrua ku pasurusu ku drumane ku akaesadhane si baai nakwane?”

Ku tamaini ka Isake la tubalre iya kai: Kai lri baai ku udale ki kalarigarigane muswane; kadrwa ku drulrusu ku malrange ku kadaengane. Lri satalusu ki dramu panianiake, lri pasikaikaisu ki agi; ai lu kiecebesu iniane, lri duulrusu kalrabuthu ki sakatemaneini.

Ku Isau la pacungulu takutubitubi kitubi ki tamaini, “Ama, kathane kwini vaeva ku sasubulrubulrwanesu? Ama, kiatubiaku muswane mialria subulrubulru nakwane!” Sa maka kawrivanga la akwadrau tungawngau tubi.