Iivesi zeBhayibhile ezithandwayo ezisuka YOHANES 13

Share

Ma wene eku dogorak ngger mende yi yokirak o: Kir-kir kiniliti kunik eku dogoni o. An kir niliti kunik ekinabi taga ndak-ndak, kir ogwe etegerogon ar, kir-kir kiniliti kunik mondok eku dogoni o. Kir-kir kiniliti kunik eku dogogun kalok, ir akuni obogar nen, kir eti An mutnarek lagwi mende o, yiluk inilu arugun o,” yiluk yirige.

Etiar ma, An kir mende Guru nen kir mende Tuhan, eti kigik ar ogwe An kir kiniyok i kokinaki o. Eti ndak-ndak, kir-kir mondok etegerogon ar, kir kiniyok kor-kor eku dogorak o. Kir kinilu aruwak nen yiluk, An nen kir ekinaki mende yi, kir nen An ekinaki ndak-ndak etegerogon ar eku dogono o.

Ar Yesus nen onggo yoga dogolir, “Yogondak ya paga, kar An erir taga yi kakla andakbuk ogwe, yabongga eta nen kilu arigin o,” yiluk yorige.

An wene yi ebebar mende yokeragin o: ar akuni yedoman mende enogo eti, ar ombae nggok ndak-ndak dek o, nen ar wene wolok lan yiluk lakbitaga enogo tebe biluk, ar wene wolok lektaga mende ernogo, ar kwak nggok negen dek o.

Kir wene An emekiragi mende obogar kinilu agop o, ma kir nen obogar erugun kalok eti, kir kinadeknggen arar dogono o.

Eti paga ma, Ar metlaga lagagerek, Ar Iyom jubah eti nggolalogo biluk, anduk ambi paga obakte kede nggeralkige. Eka lagagerek, i todek mende baskom akla kidirogo arar wuraka lagagerek, ir Ar mutok lagwi mende yemenogo iniyok i kokbalok, nen handuk enogo paga, i amburu korinakige.