Fumana i-appUguqulo Lonyana Wolahleko kunye noKyle IdlemanIsampulu
“Ubabalo kubo Bobabini oonyana”
Unyana omkhulu wacaphuka emva kokubona izenzo zikayise. Kusenokwenzeka ukuba lo mzalwana ukhulileyo wayesebenza nzima yaye enyamekela amasimi ngokuthembeka, kodwa wayelahleke endlwini kayise.
Kwakungekho kuvuka. Kwakungekho kunyaniseka. Kwakungekho ntshukumo.
Inyaniso kukuba, naye wayengunyana wolahleko. Naye ebenentliziyo ekude notata. Naye wayelahlekile, kodwa akazange abone. UTim Keller ukubeka ngolu hlobo oku: “Unyana ongalunganga walahleka ebubini bakhe, kodwa unyana olungileyo waphulukana ekulungeni kwakhe.”
Usenokuba awuzange uye kwiLizwe elikude. Usenokuba nenkqubo ebangel’ umdla yonqulo. Usenokuba uyilandele yonke imigaqo. Usenokuba uyifundile yonke le ncwadi ucinga ngabo bonke abantu obaziyo kwiLizwe elikude abafuna ngokwenene ukuyiva. Kodwa ndiyazibuza ukuba ingaba nguwe na lo uYesu ebethetha naye ngalo lonke eli xesha.
Ngethamsanqa, xa umkhuluwa wayesentsimini, uyise wawushiya umbhiyozo waza waphuma waya kuye. Wajongana nonyana ngqo.
Isixelela ntoni le nto ngoThixo? UThixo ulangazelela ubudlelwane nabantwana bakhe. Nokuba ubomi bakho bufana nonyana omkhulu okanye omncinci.
Nangona unyana omncinci wathetha ngokungenambeko nokuphila ngokungakhathali, uyise wamamkela ngokumanga nokumwola. Yaye emva kwamazwi arhabaxa nendelelo kamkhuluwa, ubawo ngothando wazicacisa. Usolusapho wayenga nyanzelekanga ukuba azichaze kumaxesha amandulo. Imizi yayingena demokhrasi; babengoozwilakhe. Kodwa uyise wawuphendula umsindo womkhuluwa ngomonde nobabalo.
Silindele ukuba uThixo abe ngutata onomsindo ofuna ubulungisa, kodwa ngoYesu, usinika uthando nobabalo xa lungasifanelanga. Ekugqibeleni, ibali elikuLuka 15 alikho ngoonyana ababini abangathobeliyo. Limalunga noBawo othanda abantwana Bakhe ngokungenamiqathango.
* Xa wonile, umbona njani uThixo kunye nento ayicingayo ngawe? Ngaba ubabalo lwakhe olungapheliyo kunye nothando oluphembelela yonke inkqubo ye-AHA?
Ngaba uye wasonwabela esi sicwangciso sokufunda? Ukuba kunjalo, ngenisa ukuze uphumelele incwadi epheleleyo Apha
IsiBhalo
Malunga nesi Sicwangciso
Kuthathwe kwincwadi yakhe ethi "AHA," joyina uKyle Idleman njengoko efumanisa izinto ezi-3 ezinokusisondeza kuThixo kwaye zitshintshe ubomi bethu ngendlela elungileyo. Ngaba ukulungele ukuchitha umzuzu noThixo otshintsha yonke into?
More
