Gewilde Bybelverse vanaf Mateo 4

Deel

Jesuska ainirka: —Ñugpa­manda librupi, kasa­mi willa­raiá: Ru­na­kuna, mana tanda­lla­wa kaug­san­gapa kan­kunachu. Taita Dius tukui ima rimas­ka­kuna­wa­mi kaug­san­gapa chaiá.

Chi­ura Jesuska, chi iaia kukuta nirka: —Nuka­pa ñawi­manda anchu­rii. Ñug­pa­manda librupi, kasa­mi willa­raiá: Kamba atun Taita Dius­lla­ta kungu­rispa kangi. Pai ima niska­lla­ta­mi iukangi ruraspa kanga.

Jesuska ainirka: —Kasapasmi willa­raiá: Kamba atun Taita Diusta mana ianga ningi: “Abir kawasaki: ¿pudingi­chu?”.

Chi­ura­mandaka Santu Ispí­ritu, chusa sitaska alpama Jesus­ta pusarka. Chipika iaia kuku, panda­rii­kunapi paita urma­chin­gapa muna­kurka. Chusku chunga puncha tuta­kuna­wan­ta­mi Jesús mana ñi imapas mikuspa­lla chisia­kurka. Nispaka, iapa iarkai­manda iuia­chig­samurka.

Pai­kunata kawaspaka, Jesuska nir­ka­kunata: —Kati­wai­chi. Iacha­chisaki­chitami, chalwa­kunata apig­sina, runa­pura maska­puag­kuna kan­gapa. Chasa uianga­lla­wa, ata­raia­kunata sakispa, Jesusta katir­ka­kuna.

Jesuska, Kafarnaum pui­blupi kaug­sa­kuspaka, kasa­mi willai kalla­rirka: —Suma luar­manda mandai, ñami chaia­mun­gapa ka. Panda­rii­kunata sakispa, Taita Diuswa tukug­samui­chi.