Gewilde Bybelverse vanaf SPREUKE 17

Deel

Op ’n vriend se lojaliteit kan jy altyd reken. Jou broer is gebore om jou te help wanneer daar probleme is.

’n Vrolike mens is soos goeie medisyne. ’n Neerslagtige mens tap jou krag.

Iemand wat stilbly oor onreg teenoor hom, bevorder liefde tussen mense. Om gedurig daaroor te praat, dryf vriende uitmekaar.

Iemand wat kennis het, praat nie baie nie. Iemand met insig bly kalm.

Wanneer ’n dwaas stilbly, kan dit lyk of hy wys is; en as hy sy mond toehou, lyk hy soos iemand met insig.

Dit is beter om in vrede droë brood te eet as om by ’n fees te sit in ’n huis waar daar gestry word.

Om rusie aan die gang te sit, is soos om ’n sluis oop te trek. Staak liewer die stryery voor die vloed jou tref.

Die HERE verafsku twee dinge: iemand wat die skuldige onskuldig verklaar; en iemand wat onskuldige mense skuldig verklaar.