Gewilde Bybelverse vanaf Juwão 15

Deel

– Moma'eyva'y vo mã'ẽ tè ije, e'i. Pejẽ ãmẽ erãkã kõ rõmõ tè, e'i. Ãwitõ i'y omokasi wãkã ti'a katu ipi, ãwĩvo ve poromokasi eayvu rupi tapeiko. Ajawyi tè ivo peiko, e'i.

Ãwitõ moma'eyva rãkã nuvei o'y rè remẽ, ni'a'ãi ky'y. Osinĩma kõrijõtà tè omãnõ. A'evotà ereity ywe'e tite mãe kõ. Ajawyi tapejimo'yjẽ ere, a'e pejẽ. Ije ãmẽ pe'y rõmõ aiko karuarutà aiko. Ãmẽ tè penoryvaytà peiko, e'i Jesu oreupe.

Tapejimo'yvay ikõ ere ãmẽ nẽ. Eayvukwerà rupi katu ikõ tapeiko nẽ. Ãmẽ si moma'e rè peporijau remẽ Papa ome'ẽtà pejẽ ipi, peokwai ijupe remẽ.

Ãmõ, kee a'e pejẽ. Penemipyteporokwerà rõwã ije, e'i. Ije tè poropyteporo ejimorypa kõ rõmõ tapeiko, e'i. Poromonotà eayvu mojenuarà kõ rõmõ, ãmẽ erewarà tapemojenu ãmõ kõ pè, e'i. Mãerã tè ojirovijatà ere ãmẽ kupa. Nereity'ãi ãmẽ kupa ky'y. Eayvu rupi peokwai Papa pè remẽ, penemikwaiwerà ome'ẽtà pejẽ.

E'i Jesu oreupe: – Aje poroauvay penereko. Ajawyi amãnõtà penekovijarerà rõmõ. Ava mõ sõ ojimorypa kõ rekovijarerà rõmõ remẽ, ojikuwa a'e ywesõ ojimorypa kõ wauvay mã'ẽ rõmõ, e'i.

Ãwitõ moma'eyva rãkã kõ o'y rè ekoi, ãwĩvo ve ereve peiko, e'i. Ãwitõ moma'eyva'y rè oposiko mã'ẽ omopai ãkã ni'ai mã'ẽ eraa ity ipi, ãwĩvotà Papa wetatà ereve ekoi rã'ãga mãe kõ ipi. Ãkã i'a katu jome mã'ẽ ãmẽ wauvaytà. Iky'a mã'ẽ wekyipatà iwyi. Ãmẽ oryvaytà. Ãmẽ ywesõ i'a katu jometà. Ãwĩvo ve ere ojimo'y mãe kõ Papa werekotà, e'i.

Tapejiauvay ikõ peiko nẽ. Ãwitõ ije poroauvay penereko, ãwĩvo ikõ peiko nẽ, a'e pejẽ, e'i.

Ãmẽ sõsi pejikuwatà eremimo'ekwerà kõ rõmõ peiko. Ãmẽ tè, “Janejare'e ikatuay wete!” e'ità jane kõ pene omãjã, e'i oreupe.

Ajaire Jesu e'i: – Ajivy aa remẽ, tapeja'a jẽ ikõ ere ipi nẽ. Tapejimokasioka Papa pè, ereve jẽ tapeiko, e'i. Moma'eyva'y rè tè ajimosã'ãgatà tapekuwa. Moma'eyva'y vo tè ije, e'i. Papa ãmẽ oposiko ee mã'ẽ vo, e'i.

Ereity ywe'e tite sõ pekupa remẽ, ãkã osinĩ mã'ẽ votà tè pejẽ peiko ãmẽ. Ajawyi ãwitõ oposiko mã'ẽ weta osinĩma mã'ẽ eraa imomo, ãwĩvotà Papa penereko, ereity ywe'e tite sõ pekupa remẽ.

Aepo a'e pejẽ pemorya rõmõ, e'i. Napotai penory a'u kõrijõ tè. Apota penoryvay peiko, evo.

Papa ayvu rupi aiko rewarà mõ erauvay ipi. Ãwĩvo ve eayvu rupi peiko remẽ, poroauvay teve ipi.

Ajawyi tè kee a'epa itõkõ pejẽ: Tapejiauvay ikõ peiko nẽ, a'epa itõkõ pejẽ.

A'e kõ ojee kõrijõ tè nojikõ'õi kupa ipi. Ajawyi ivo kõ jẽ sõ pejẽ remẽ, nojikõ'õ'ãi kuwa pene kupa mijã, e'i. Pepota katu kuwa kupa mijã, e'i. Ivo kõ jẽ rõwã peiko ajamã'ẽ ky'y, poropyteporopa poropy'amoteepa rewarà mõ. Ajawyi tè ojikõ'õ pene kupa, e'i.