Gewilde Bybelverse vanaf Jesaja 60

Deel

Jerusalem, jy moet opstaan, jy moet jou lig laat skyn, want jou lig het gekom, die lig van die Here self sal op jou skyn.

Nou sal die volke en die konings lewe in jou lig, die lig van jou nuwe dag.

Ja, kyk, dit is donker oor die aarde, oor al die volke. Maar die Here gee vir jóú lig, sy lig kom na jou toe.

'n Paar mense sal wees soos 1 000 mense, die swakste mense sal wees soos 'n sterk volk. Ek sal dit gou laat gebeur wanneer Ek so besluit, Ek is die Here.”

In die dag sal die son nie meer vir jou lig gee nie en die maan sal nie meer op jou skyn nie. Maar die Here sal altyd jou lig wees, jou God sal vir jou eer gee.

Jou son sal nie ondergaan nie, jou maan sal nie kleiner word nie, want die Here sal altyd die lig wees vir jou. Die tyd is verby toe jy moes huil en treur.

Wanneer jy dit sien, dan sal jy baie bly wees. Jou hart sal vinnig klop en jy sal bly word, want al die duur en mooi dinge van die volke sal joune word. Dit sal na jou toe kom oor die see.

Jerusalem, kyk rondom jou, jy sal sien jou seuns en jou dogters kom van ver. Mense dra hulle, en hulle kom almal bymekaar, hulle kom na jou toe.

Jou mense sal almal doen wat die Here wil hê, en die land sal altyd aan hulle behoort. Hulle sal wees soos 'n loot wat die Here geplant het, 'n loot wat Hy self geplant het om Hom te eer.

Niemand sal weer kan sê dat iemand slegte dinge doen aan die mense in jou land nie en niemand sal jou huise verwoes en afbreek nie. Jy sal sê jou mure se naam is ‘Die Here red,’ en jou poorte se naam is ‘Prys die Here.’

Jou poorte sal elke dag en nag oop wees sodat die duur en mooi dinge van die volke na jou toe kan kom, en sodat die volke hulle konings na jou toe kan lei.

Daar sal baie kamele na jou toe kom, kamele van die lande Midian en Efa. Hulle sal almal van die land Skeba kom en hulle sal goud en wierook bring. Die mense sal die Here prys.

“Mense van ander lande sal jou mure bou, en hulle konings sal vir jou werk, want Ek het jou gestraf toe Ek kwaad was, maar Ek wil graag weer goed wees vir jou.

Daar het niemand in jou gewoon nie, niemand wou deur jou loop nie. Maar nou sal almal trots wees op jou, elke nuwe geslag sal bly wees oor jou.

Volke en hulle konings sal jou oppas soos 'n ma haar kind oppas, en jy sal weet Ek is die Here wat jou red, die Sterk God van Jakob is jou Bevryder.