Gewilde Bybelverse vanaf Yowani 15

Deel

“Yaken am yakmey kayo. Inyo am yangayangaw na. O macikaop jyaken am macikaop ko jya a karo no akma ney asi. No si karwan nyo yaken am ji nyo amaog o vazay nyo.

Ji nyo ngaroi yaken an. Akman jyaken a ji macisyay jinyo. Abo o yangaw no kayo a to meynakem no kapalasi na no ji macinapnap do kayo na. Akman kamo sang, ta no macikaop kamo jyaken am akman kamo so kayo a malasi.

No si macikaop kamo jyaken a keyyan na rana no ciriciring ko do onowned nyo am no amyan so amin nyo jyaken am itoro ko jinyo.

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Ney rako na pangangarilawan am ji macivivyai o kagagan.

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

“Masicyakarilaw kamo akman jyaken a yamarilaw ninyo. Ta ori rana am ciring ko jinyo.

O azwazway ni Ama am akmey asi no kayo a macita da jinyo. No si makman kamo sang am manoyong kamo a omanop jyaken.

“Yaken rana am akma koy meyngongyod a potaw a kayo. Si Ama o omaponged nya.

O komaro jyaken a tao am kapalangayan na o yangaw no kayo a nimapolcing a kawalit nya a karokop na rana a kabedbed da sya no tao a ipanotong a katemtem na rana.

Nipanci ko na jinyo akman sang a vazay. So yangay na jinyo no sarasaray ko a kapeyngongyod nyo na a masaray.

No si pangozain nyo o nanao ko am manoyong kamo na mapeyyan sya do onowned nyo so pangangarilawan ko. Akman jyaken yaomonot do ciring na ni Ama a yamapeyyan sya do onowned ko so pangangarilawan na.

Masicyakarilaw kamo an, ta ori rana am ciring ko jinyo.

No kamo meyyangay pa kano ji manganoyong a tao do karawan am isaray da inyo do kapeyyangay nyo. Am kamo na ji meyyangay a ka nira. Ta ko na nipapinpin inyo a omanoyong jyaken. Am ori o da pacioyyan jinyo no yaji nganoyong jyaken a tao.