Gewilde Bybelverse vanaf Yowani 6

Deel

Maniring si Yeso jira am, “Yaken rana am akma koy kanen a ikavyay no pahad nyo. O mai jyaken a tao am to meyyonong rana jyakcin. Omanoyong jyaken am to meyyonong a jyawaw.

O yamanta no tao so to meyyonong a ikavyay no pahad na am Seyzi. So ikabo no oyowyat no tao a ipakahap sya. O ko ipanci jinyo a ciriciring am apo do Seyzi na ni Ama ta do to. Ori rana am ikavyay ori.

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Maniring si Yeso am, “O na kakzeben jinyo a vazay nyo ni Ama ta do to am anoyngan nyo yaken a nitovoy na ni Ama ta do to.”

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Maniring si Simong Pite am, “Mo Panirsirngen, imo saon na yanan no nanao no to meyyonong a ikavyay no pahad namen. Sino pa o pacilolwan namen.

Yaken rana am akma koy kanen a apo do teyngato a yapwan no to meyyonong a ikavyay no pahad nyo. O koman so kanen eya a tao am mahap da o to meyyonong a ikavyay no pahad da do teyngato. O itoro ko do tao a kanen da am kataotao ko, ta yangay ko inyo no inawan. Ori rana am ipakahap no tao so to meyyonong a ikavyay no pahad da.”

No beken a si Ama a nitomovoy jyaken o yatomirara so tao am abo tao a mai jyaken. O mai jyaken a tao am avyain ko sira no makaranes rana o araraw no kapeykapyapinpin na ni Ama ta do to so tao.

O kanen rana yana nipakas ni Ama ta do to a yapo do teyngato am yapwan no to meyyonong a ikavyay no pahad no tao do karawan.”

Yaken am akma koy kanen a yapwan no to meyyonong a ikavyay no pahad nyo.

Hapen na ni Yeso o myanpaw a kasaray na nya ji Ama ta do to. Karahan am pongden da rana no macinanao jya do meykalyalipenpen a amlisna tao. Akman sang o among a nivonong da, kapakapya da rana koman. Mabsoy rana sira am maniring si Yeso do macinanao jya am, “Peykakasa kamo na o atda da. Ta ingbeywan.”

Amyan sira do karakwan no rako a meybebneng a ranom a mangaod o macinanao jya am macita da si Yeso a omalam do ranom a meypasngen jira. Macita da am manyahey sira. Maniring si Yeso jira am, “Ji kamo anyahey, ta yaken.”