Gewilde Bybelverse vanaf Johannes Johannes 15

Deel

Ek is die wingerdstok, julle is die lote; wie in My bly en Ek in hom, hy dra baie vrugte, want sonder My kan julle niks doen nie.

Bly in My, en Ek in julle. Soos die loot nie self vrugte kan dra as dit nie aan die wingerdstok bly nie; julle kan nie meer as julle nie in My bly nie.

As julle in My bly en my woorde in julle, sal julle vra wat julle wil, en julle sal dit kry.

Julle het My nie uitverkies nie, maar Ek het julle uitverkies en julle aangestel om vrug te gaan dra en julle vrug kan bly; sodat alles wat julle van die Vader in my Naam vra, Hy dit vir julle kan gee.

Niemand het groter liefde as dit nie, dat iemand sy lewe vir sy vriende aflê.

Elke loot in My wat nie vrug dra nie, neem Hy weg; en elke loot wat vrug dra, dié reinig Hy, sodat dit meer vrug kan dra.

Dit is my gebod, dat julle mekaar moet liefhê soos Ek julle liefgehad het.

Hierin word my Vader verheerlik, dat julle baie vrug dra; so sal julle my dissipels wees.

Ek is die ware wingerdstok, en my Vader is die landbouer.

As iemand in My nie bly nie, word hy uitgewerp soos 'n loot en verdroog; en mense maak dit bymekaar en gooi dit in die vuur, en hulle word verbrand.

Hierdie dinge het Ek vir julle gesê, sodat my blydskap in julle kan bly en julle blydskap volkome kan wees.

As julle my gebooie bewaar, sal julle in my liefde bly; net soos Ek die gebooie van my Vader bewaar het en in sy liefde bly.

Hierdie dinge beveel ek julle, dat julle mekaar moet liefhê.

As julle van die wêreld was, sou die wêreld sy eie liefhê; maar omdat julle nie van die wêreld is nie, maar Ek julle uit die wêreld uitverkies het, daarom haat die wêreld julle.