Gewilde Bybelverse vanaf Oyohana 6

Deel

Ebeni Oyesu ka dawa mo, <<Ami pini wo ikyoga ko olayi la. Ase ni webe hin emye ya ngmo lo, kweyi ase ni kyogwu kpami igyini ya ngmo lo.

Oza ni ya dase olayi ni wo Omaku, ikpiye gboshu oyoye lo. Ela ni nka dala mani nwonwu kpo Omaku kpo olayi.

Ala yoko kozarore ni ya dala olayi ko gbogbo-gbogbo ni, ala ka yoko kozarore ni ya yishi ni lo. Ami Oyi ka Asuse ya dala ozarore mani koni ami pini Owuso Ada dami oshu ko ya la.>>

Oza kotu ka Ada hin wo, ase ni pyiyi mo Oyi mani kweyi kyogwu kpanu oya pyo olayi ko gbogbo-gbogbo, kweyi nyya shiyi eno ko kweyi kese.>>

Oyesu kyogwu kweyi ka dawa mo, <<Oko ko Owuso yoma, ala kyogwu kpase ni otoleho ni.>>

Kpiri kase ni Ada dami ya webe hin, kweyi ase ni webe hin nyya nenya lo.

Osimo Obitrus ka danu mo, <<Adole, ebe kanoho ni aba ga? Ogbela ko olayi ko gbogbo-gbogbo.

Ami wo ikyoga ko olayi ni sa bwi iso ni. Ase ni ho ikyoga mani, oya sho olayi ko gbogbo-gbogbo. Ikyoga mani webe kikpiye hin la, ni nyya ze ikweyi kase kese kpiri.>>

Ashishe ya gege ya webe hin lo, owoni Ada ni tumo oleho ni pyo wa lalo, kweyi ami ya shiyi eno ko kweyi kese.

Koni ikyoga ko Owuso wase ni bwi iso wo okpagye kweyi wa dase kese olayi ni.>>

Ami wo ikyoga ko olayi.

Oyesu zo ikyoga kweyi oshotunehe do Owuso, kweyi oda awogboso mana yiko dewa ni bokpagye ni, oki ya mamani kpe ebinyi. Ishini kpiri wa roza gyuwa ni, oka da awogboso mo, <<Ala kpashini koza ni are ni tukpa. Shini ojije naka yishi lo.>>

Ishini ayawu kigbo eta kwe ene ni, kweyi amo Oyesu yawu ikweyi kinyo ya webe ko owu, kweyi oshi yuwa kwu. Oke ka dawa mo, <<Ami la, alaka yoshi lo.>>