Gewilde Bybelverse vanaf Yuuhannaay 6

Deel

Yasuuꞌa bareeh sooya, “Ani umidhhani hadhi akati. Baliin aneeb beeti yꞌeen door han itehirigw kiidiina, baliin aneeb aamaneen door han ityiw kiidiin.

Aashuuk midhhan iyawna. Oodehayi taad naat han kiidꞌi. Ibhali ani dehookna hadiidaneeb shuuk ikatiina aree midhhan ikatiin.

Amaagt mꞌariitii dehaay baashagaamaana. Laakiin tumꞌari umidhhan udaayim tiniiwtookna batiiyooh dehaay shagaamaana. Ukwaasana Ubaaba gabbalamtiit tꞌalaamaatooh Wꞌaadami Oori kehii daasaabuuyt, tuun batuuh aree tumꞌari baruuh iyaaw hookna indiyeet tikati.” idi.

Baabu harriiweet toona: Wꞌoor shibibtiit barooh aamaniiniibka umidhhan udaayim imaar indi. Tꞌaakharaati bꞌi aree barooh asti yaksi andi.” idi.

Yasuuꞌa igwibi, “Ukwaasana harriiweet tuuna bak teefi: baruuh dehookna ifdigeeb oongaal aamanaana.” idi.

Baabu iniiweetu tuuna kastuuh yꞌiheeb tindi, aneeb beeti yꞌiiniibka aree door han fidnaab giigsi kaadi.

Siimoon Bitrus bariiyooh dehaay igwibi, “Wꞌankwanaay, aab beeti neebi? Baruuk umidhhan udaayimi bhali tibariya.

Tibreetee yꞌaab yhadhi idhhaniib aneeb akati. Een yhadhiyee tamiiniibka diimaab midhhan imaar indi. Aan yhadhi aniib ubasharu, aree barooh ani tuduniyaati midhhani jillaay iyaaw andi.” idi.

Baabu aneeb diigwatiyaab insiikweeb nuun, gaal han aneeb beeti wꞌaay kaꞌadgiriya. Barooh aree tꞌaakharaati bꞌi asti yaksi andi.

Ukwaasanaay hadhi ikatiib, beeb tibreetee nꞌati yꞌiit tuduniya midhhan iniiwu.” idi.

Ani umidhhani hadhi akati.

Yasuuꞌa yhadhi yakisiyaayt Ukwaasana yhamid, malya oodehay beentooy iifiinaay dehaay yhadhi yꞌaadhidh. Yꞌaashu han bak iweer, uudehay kassaah aree gabiyaaneeb ookiik tamiyaan. Kassaah gabiyaanihoob, baruuh ikwiriyaatayeeh dehaay, “Toodhikw dibilna, naat han bangiideet toonaati.” idi.

Ikwiriyaatay ay tari asagwir kiiloomitra isiignihoob, Yasuuꞌaab iyami kehii hiireeree tufalluuka diwlee rhiyaani door irkwiin. Laakiin Yasuuꞌa bareeyooh dehaay, “Baarakwiina, uun aneebu!” idi.