Gewilde Bybelverse vanaf Di Mulakata 41

Deel

Jaji barik dinen dasauti kole’a baki’ Yusup, “Jaji kenang, okan iak yang manamuun, Alatala yang manamuun. Ia yang manjarumangen lo’u ratina yang tapaten,” ingka kenang baki’ Yusup lo’a rajaan.

Jaji manjarum rajaan lo’a ambata suro’anna, “Kalo’ku’ kosan bokan sabalu’en nanna tau di’en, yang dalalako’iin kole’a Sumangata Alatala,” ingka kenang rajaan lo’a suro’anna.

Jaji manjarum dinen rajaan lo’a baki’ Yusup, “Jaji kenang, mamin jelas kosan bokanen yang manamuun pasitimbangang jalu ajau’en nanna jalu maamen. Kole’a mamin ratina muiku’ dabae’ang lo’u kole’a Alatala. Jaji iko poang kuangkatangen maurus samuana. Kosan barik tau baraa’en lo’u. Suma iak poang baraa’en lo’u awan rajaan. Ambata gulungan rayatku’ arung paduli kausa. Malola’ani kausa parintanu,” ingka kenang dinen jaruma raja Mesiren lo’a baki’ Yusup.

Maminna dinen anak yang kaduaan, daasan i Epraim. Kole’a andian bapi jaruma baki’ Yusup, “Alatala manyuro’ lo’ku’ barasel di banua kosan parinsa’ku’,” ingka kenang.

Anaka yang atoaan dinen dameang asan kole’a baki’ Yusup, i Manase asanna. Kole’a andian jaruma baki’ Yusup, “Alatala manyuro’ kulilu’ gulungan parinsa’ku’, manyuro’ kulilu’ suang saona ama’ku’,” ingka kenang.